गुप्तचर खात्यानं एका सांकेतिक कॉलच्या आधारे हा अलर्ट जारी केला आहे. कॉलमध्ये तीन संशयित जामा मशीद परिसरात लपले असून ते 26 जानेवारीला मोठ्या घातपाताच्या तयारीत असल्याचं आढळून आलं. जामा मशीद परिसरात लपलेले तिघेही अफगाणिस्तानचे असल्याचंही गुप्तचर यंत्रणांनी स्पष्ट केलं आहे. पाकिस्तानमध्ये या तिघांचंही ट्रेनिंग झालं असून काश्मीरच्या पुलवामामधून त्यांना सूचना दिल्या जात आहेत.
गुप्तचर यंत्रणा सतत या तिघांवर लक्ष ठेवून आहे. हे तिघेही पस्तो भाषेत संभाषण करत असल्याचं उघड झालं आहे. गुप्तचर यंत्रणांनी माहिती दिल्यानंतर विशेष बैठक घेण्यात आली. दिल्ली पोलिसांसह इतर तपास यंत्रणाही यावर लक्ष ठेवून आहेत.