Horoscope Today 28 November 2024 : आजचा दिवस काही लोकांसाठी चांगले तर काहींसाठी वाईट परिणाम आणू शकतो. आज तुमचे ग्रह तुमच्यासाठी अनुकूल आहेत की नाही? आज तुम्हाला कोणत्या आव्हानांना तोंड द्यावे लागेल किंवा तुम्हाला कोणत्या प्रकारच्या संधी मिळू शकतात? तूळ, वृश्चिक, धनु राशीच्या लोकांसाठी आजचा दिवस व्यवसाय, आरोग्य, नातेसंबंध आणि प्रेमासाठी किती खास असणार आहे? आजचे राशीभविष्य (Horoscope Today) जाणून घ्या...
तूळ (Libra Today Horoscope)
तूळ राशीच्या लोकांसाठी आजच्या दिवसाची सुरुवात थोडी खराब राहील. शेअर बाजाराशी निगडित लोकांना चांगला नफा न मिळाल्यास ते थोडे निराश होतील. तुमचं मूल तुमच्या अपेक्षा पूर्ण करेल. कुटुंबातील सदस्याच्या निवृत्तीमुळे सरप्राईज पार्टीचं आयोजन केलं जाऊ शकतं. कोणाशीही बोलत असताना बोलण्यात गोडवा ठेवा, नाहीतर तुमच्या बोलण्याचं त्यांना वाईट वाटेल. तुमचे काही नवीन प्रतिस्पर्धी निर्माण होतील.
वृश्चिक (Scorpio Today Horoscope)
वृश्चिक राशीच्या लोकांसाठी आजचा दिवस गोंधळाचा असणार आहे. तुमच्या मुलाच्या शिक्षणाशी संबंधित समस्यांमुळे चिंता सतावेल. तुमच्या प्रगतीच्या मार्गात येणारे अडथळे दूर होतील. काही कामासाठी खूप धावपळ होईल, काम पूर्ण करण्यात अडचणी येतील. तुमच्या जोडीदाराला नोकरीत बढती मिळाल्यास तुमच्या आनंदाला सीमा उरणार नाही.
धनु (Sagittarius Today Horoscope)
धनु राशीच्या लोकांसाठी आजचा दिवस प्रगतीचा असेल. तुम्ही तुमच्या व्यवसायात आणखी काही गोष्टी समाविष्ट करू शकता. तुमची आई तुम्हाला एखादी मोठी जबाबदारी देऊ शकते. तुमच्यावर कामाचा भार जास्त असेल. नोकरीच्या शोधात असलेल्या लोकांनाही चांगली संधी मिळू शकते. आज तुमच्या घरी काही पाहुणे येण्याची शक्यता आहे. तुमचे भाऊ तुमच्या कामात पूर्ण हातभार लावतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: