Buldhana News: बुलढाणा जिल्ह्यातील शिक्षण विभागाचा बट्ट्याबोळ झाल्याचे चित्र बघायला मिळाली आहे. जिल्ह्याच्या चिखली तालुक्यातील शेलूद येथील जिल्हा परिषद शाळेवरील महिला शिक्षकांनी चक्क 200 रूपये रोजंदारीवर महिलाना शाळेतील मुलांना शिकवण्यासाठी ठेवले असल्याचा धक्कादायक प्रकार समोर आलाय. या दोन शिक्षिका या बाल संगोपनाची रजा घेऊन स्वतःच्या मुलांना उच्चं शिक्षण मिळावे, यासाठी लातूरला गेल्याची माहिती पुढे आली आहे. त्यामुळे बालसंगोपनासाठी मिळत असलेल्या रजेचा गैरफायदा होत असल्याचे ही समोर आलेय.. मात्र यामुळे इकडे गोरगरीबांच्या विद्यार्थ्यांचे शैक्षणिक नुकसान होत असून विद्यार्थी चक्क वाऱ्यावर सोडल्याचा प्रकार पुढे आला आहे.
तुमच्याकडून काय होते ते करून घ्या, शिक्षेकेची शिरजोरी
पुढे आलेल्या माहितीनुसार, अर्चना बाहेकर आणि शीला बाहेकर असे त्या महिला शिक्षकाचे नाव असून या दोघींनी 200 रुपये रोजंदारीवर विद्यार्थ्यांना आपल्या जागी शिकवायला दोन महिलांना ठेवले आहे. या संपूर्ण प्रकारापासून शिक्षण विभाग हा अनभिज्ञ कसा? असा सवाल आता पालक वर्ग विचारत आहे. तर शाळा व्यवस्थापन समितीने सुद्धा त्या दोन महिला शिक्षेकेविरोधात बऱ्याच वेळेस तक्रारी केल्या आहेत, शिक्षणाधिकारी यांना सांगितले आहे. तर तुमच्याकडून काय होते ते करून घ्या, असे उत्तर पालकांना मिळत असल्याचा प्रकार ही पुढे आला आहे. मात्र या प्रकाराकडे स्थानिक शिक्षण विभागाने पूर्णतः दुर्लक्ष केले असून, आता या संपूर्ण प्रकाराकडे राज्याचे शिक्षण मंत्री दादा भुसे यांनीच लक्ष घालून शिक्षण विभागांतील शिक्षकांसह अधिकाऱ्यावर कारवाई करावी, अशी मागणी केली जात आहे.
हे ही वाचा
Education Loan Information:
Calculate Education Loan EMI