Celebrity Nude Photoshoot : न्यूड फोटोशूट करुन ते फोटो सोशल मीडियावर पोस्ट करणं यासाठी खूप धाडस लागतं. अभिनेत्री उर्फी जावेद (Urfi Javed) गेल्या काही दिवसांपासून बोल्ड कपड्यांमुळे चर्चेत आहे. पण उर्फीआधी बॉलिवूड अभिनेता रणवीर सिंह (Ranveer Singh), आमिर खान (Aamir Khan), मराठमोळी अभिनेत्री आणि महाराष्ट्राची हास्यजत्रा (Maharashtrachi Hasyajatra) फेम वनिता खरात (Vanita Kharat) आणि मिलींद सोमण (Milind Soman) या कलाकारांचं न्यूड फोटोशूटदेखील चर्चेत आलं होतं.
कबीर सिंह (Kabir Singh) तसेच महाराष्ट्राची हास्यजत्रा फेम वनिता खरातने (Vanita Kharat) न्यूड फोटोशूट केलं, त्यावेळी ती प्रचंड ट्रोल झाली होती. न्यूड फोटोशूट आणि तिच्या तब्येतीवरुन तिला प्रचंड ट्रोल करण्यात आले होते. पण त्यावेळी एका मुलाखतीत तिने भाष्य केलं होतं की, बॉडी पॉझिटिव्हीटीचा संदेश देण्यासाठी मी न्यूड फोटोशूट केलं आहे. न्यूड फोटोशूटमुळे माझा माझ्या शरीराकडे बघण्याचा दृष्टीकोन बदलला आहे.
अभिनेता रणवीर सिंहने (Ranveer Singh) गेल्या काही दिवसांपूर्वी एका नामांकित मासिकासाठी न्यूड फोटोशूट केलं होतं. त्याचे फोटो सोशल मीडियावर चांगलेच व्हायरल झाले होते. न्यूड फोटोशूटमुळे महिलांच्या भावना दुखावल्याचा आरोप रणवीरवर करण्यात आला होता.
बॉलिवूडचा मिस्टर परफेक्टनिस्ट आमिर खाननेदेखील (Aamir Khan) पीके सिनेमाच्या शूटिंगदरम्यान न्यूड फोटोशूट केलं होतं. पण वनिता आणि रणवीरप्रेमाणे नेटकऱ्यांनी आमिरला जास्त ट्रोल केलं नाही. सिनेमाच्या यशामुळे आमिरच्या न्यूड फोटोशूटकडे चाहत्यांनी मात्र दुर्लक्ष केलं.
आर्यन मॅन मिलिंद सोमण (Milind Soman) एक उत्तम अभिनेता असण्यासोबत मॉडेलदेखील आहे. फिटनेसमुळे चर्चेत असणारा मिलिंद एकेकाळी न्यूड फोटोशूटमुळे चर्चेत आला होता. एका जाहिरातीसाठी केलेल्या न्यूड फोटोशूटमुळे चांगलीच खळबळ माजवली होती.
न्यूड फोटोशूट केल्यानंतर चाहते एकीकडे त्यांच्या लाडक्या सेलिब्रिटींचं कौतुक करतात. तर दुसरीकडे नेटकरी मात्र त्यांना ट्रोल करत असतात. गेल्या काही दिवसांपूर्वी सैराट फेम तानाजी गळगुंडेनेदेखील न्यूड फोटोशूट करत चाहत्यांना मोठा धक्का दिला होता. सनी लिओनी, इशा गुप्तादेखील अनेक न्यूड फोटो सोशल मीडियावर शेअर करत असतात.
संबंधित बातम्या