Auto News : टाटा मोटर्स (Tata Motors) ही भारतातील आघाडीची ऑटोमोबाईल (Automobile) उत्पादक कंपनी आहे. नुकतीच नवीन Tata Nexon ने ग्लोबल NCAP कडून 5-स्टार क्रॅश चाचणी रेटिंग प्राप्त केले आहे. यावेळी, 2022 मध्ये लागू होणाऱ्या कठोर नियमांनुसार एसयूव्हीची चाचणी घेण्यात आली. कॉम्पॅक्ट SUV च्या प्री-फेसलिफ्ट मॉडेलला ग्लोबल NCAP कडून 2018 मध्ये आधीच 5-स्टार रेटिंग मिळाले आहे. तसेच प्रौढ आणि मुलांसाठी जागतिक NCAP मधील दुसऱ्या क्रमांकाचा सर्वोच्च स्कोअर मिळवला आहे. GNCAP #SaferCarsForIndia मोहिमेत प्रवासी सुरक्षेच्या बाबतीत टाटा सफारी/हॅरियर देखील अव्वल स्थानावर आहे.


नवीन Tata Nexon ची क्रॅश चाचणी


नवीन चाचणीमध्ये, SUV ला ॲडल्ट ऑक्युपन्सी प्रोटेक्शन (AOP) साठी 34 पैकी कमाल 32.22 पॉइंट्स आणि चाइल्ड ऑक्युपन्सी प्रोटेक्शन (COP) साठी 49 पैकी 44.52 पॉइंट मिळाले आहेत. फ्रंटल क्रॅश चाचणीत, एसयूव्हीने चालक आणि सहप्रवाशाच्या डोक्याला आणि मानेला चांगले संरक्षण दिले. समोर बसलेल्या लोकांच्या गुडघ्यांनाही चांगले संरक्षण मिळाले. 


नवीन नेक्सॉनचे (New Tata Nexon) फूटवेल क्षेत्रही खूप स्थिर असल्याचे आढळून आले आहे. या व्यतिरिक्त, बॉडीशेल देखील स्थिर आणि फॉरवर्ड भार सहन करण्यास सक्षम मानले गेले. साइड इफेक्ट्स, डोके, पोट आणि छातीच्या सुरक्षिततेमध्ये चांगले संरक्षण देखील दिसून आले. कर्टन एअरबॅग्ज मानक आहेत आणि साइड पोल इफेक्टमध्ये डोके आणि खांद्यांना चांगले संरक्षण देखील देतात. SUV छातीला मध्यम संरक्षण देते आणि साइड पोल इफेक्टमध्ये पोटाला पुरेसे संरक्षण देते.


SUV मानक म्हणून ESC सह येते आणि चाचणीने हे दाखवले आहे की नवीनतम ग्लोबल NCAP आवश्यकतांनुसार कामगिरी स्वीकार्य आहे. सीटबेल्ट रिमांईंडर सर्व बसण्याच्या स्थितीत मानक आहेत. 3 वर्षे आणि 18 महिन्यांच्या दोन्ही डमींसाठी, टाटा नेक्सॉन समोर आणि साइड इफेक्ट चाचणीमध्ये जवळजवळ संपूर्ण संरक्षण प्रदान करते.


नवीन नेक्‍सॉनची 'ही' आहेत वैशिष्‍ट्ये : 


सहा एअरबॅग्‍ज 


सर्व प्रवाशांसाठी थ्री-पॉइण्‍ट सीटबेल्‍ट्स 


ISOFIX प्रतिबंध


इलेक्‍ट्रॉनिक स्‍टेबिलिटी प्रोग्राम (ईएसपी) 


इमर्जन्‍सी (ई-कॉल) असिस्‍टण्‍स 


ब्रेकडाऊन (बी-कॉल) असिस्‍टण्‍स


360-डिग्री सराऊंड व्‍ह्यू सिस्‍टम   


फ्रण्‍ट पार्किंग सेन्‍सर्स 


ऑटो-डिमिंग आयआरव्‍हीएम


टायर प्रेशर मॉनिटरिंग सिस्‍टम 


फ्रण्‍ट फॉग लॅम्‍पसह कॉर्नरिंग फंक्‍शन 


रिअरव्‍ह्यू कॅमेरा


ब्‍लाईन्ड व्‍ह्यू मॉनिटरिंग 


महत्त्वाच्या बातम्या :


Mercedes-Benz ने सादर केली AMG Vision Gran Turismo सुपर कार; फिचर्स पाहून तुम्हीही थक्क व्हाल


Car loan Information:

Calculate Car Loan EMI