शिवसेना-भाजपची युती असूनही दानवेंनी शिवसेनेच्या उमेदवाराच्या विरोधक उमेदवाराला मदत केल्याचे बोलले जात आहे. परंतु याप्रकरणी आज महसूल मंत्री चंद्रकांत पाटील यांनी त्यांचे म्हणणे मांडले. पाटील म्हणाले की, "शिवसेनेचे चंद्रकांत खैरे शिवसेनेच्याच माजी आमदारामुळे (हर्षवर्धन जाधव) निवडणूक हरले. रावसाहेब दानवे यांनी त्यांच्या जावयाला मदत केली नव्हती."
औरंगाबाद मतदारसंघात शिवसेनेच्या चंद्रकांत खैरे यांना 3 लाख 83 हजार 759 मतं मिळाली होती, तर एमआयएमच्या इम्तियाज जलील यांनी 3 लाख 89 हजार 42 मतं मिळवत विजय साजरा केला. तर अपक्ष लढलेल्या हर्षवर्धन जाधव यांना 2 लाख 73 हजार 237 मतं मिळाली होती.