नृसिंहवाडीतील दत्त मंदिर जलमय, दत्त महाराजांच्या स्वारीचे स्थलांतर

नदीच्या पाण्याची वाढ पाहता नृसिंहवाडी येथील दत्त मंदिरात आज सोमवार दि.11 जुलै 16 रोजी सकाळी 10 ते 11 च्या दरम्यान दक्षिणद्वार सोहळा झाला.

पूरामुळे कृष्णा नदीच्या किनाऱ्यावरील सर्व परिसर जलमय झाला आहे.

कोल्हापूर जिल्ह्यातील श्री क्षेत्र नृसिंहवाडी येथे कृष्णा-पंचगंगा नदीच्या पाणी पातळीत गेल्या चोवीस तासात 15 फुटाने वाढ झाली आहे.

सध्या कृष्णा नदीच्या पाणी पातळीत झपाट्याने वाढ होत आहे.

या सोहाळ्यानंतर श्री दत्त महाराजांची स्वारी नारायण स्वामींच्या मठात आणण्यात आली आहे. सध्या याच ठिकाणी भाविकांच्या दर्शनाची व्यवस्था करण्यात आली आहे.

कृष्णा नदीचे वाढलेले पाणी येथील दत्त मंदिरात शिरले आहे.