मालेगावात साकारली बाहुबली-2 ची 150 चौरस फूट महाकाय रांगोळी

रविवारी रांगोळी रेखाटण्याचं काम पूर्ण झाल्यानंतर नागरिकांना पाहण्यासाठी आजपासून ती खुली करण्यात आली आहे.

मालेगावच्या साई आर्टमधील रांगोळी कलाकारांनी शनिवारी ही रांगोळी काढण्यास सुरुवात केली. रविवारी संध्याकाळी 7 वाजता ही रांगोळी पूर्ण झाली.

बाहुबली-2 हा सिनेमा प्रदर्शित होऊन आता एक महिना होत आहे. या सिनेमाने प्रेक्षकांच्या मनावर आपली वेगळीच छाप पाडली आहे. यातीलच काही निवडक दृश्य मालगेवामधील रांगोळी कलाकारांनी रेखाटलं आहे.

जवळपास 50 तास रात्रंदिवस मेहनत घेऊन 150 चौफूट रांगोळी या रांगोळी कलाकारांनी साकारली आहे.