World Breastfeeding Week 2023 : साधारण 1 ऑगस्ट ते 7 ऑगस्ट हा जागतिक स्तनपान सप्ताह म्हणून पाळला जातो. बाळासाठी आईचे दूध फार महत्त्वाचे असते. नवजात बाळाला 6 महिने फक्त आईचेच दूध पाजावे, असं विज्ञानाच्या आधारे डॉक्टरांकडून सल्ला दिला जातो. कारण त्यात सर्व प्रकारचे पोषक घटक असतात. जे बाळाच्या विकासासाठी खूप महत्वाचे आहे. आईचे दूध केवळ बाळाच्या विकासासाठी चांगले नाही. तर, ते बाळाच्या पचनसंस्थेसाठी देखील खूप चांगले आहे. यासोबतच ते बालकांची प्रतिकारशक्ती मजबूत करते आणि इतर प्रकारच्या आजारांपासूनही संरक्षण करते. म्हणूनच अनेकदा आईचे दूध बाळाच्या आरोग्यासाठी चांगले मानले जाते. जेव्हा एखादी स्त्री आपल्या बाळाला स्तनपान करते तेव्हा तिने तिच्या आहाराची विशेष काळजी घेतली पाहिजे.
स्तनपान करणाऱ्या महिलांनी काय खाऊ नये?
स्तनपान करताना स्त्रीने खाण्यापिण्याची विशेष काळजी घेतली पाहिजे. तसेच, अनहेल्दी पदार्थांपासून दूर राहण्याचा प्रयत्न केला पाहिजे. आणि आहारात पौष्टिक पदार्थांचा समावेश केला पाहिजे. त्यामुळे आईचे आरोग्यही चांगले राहील आणि दुधाचे प्रमाणही वाढेल. ज्यामुळे मुलाचे पोट नेहमी भरलेले असते. चला तर मग जाणून घेऊया स्तनपान करणाऱ्या महिलांनी काय खावे आणि काय खाऊ नये.
अल्कोहोल आणि जंक फूड खाऊ नका
जर तुम्ही बाळाला स्तनपानावर ठेवले असेल तर अल्कोहोल आणि जंक फूडपासून दूर राहा. या दरम्यान चुकूनही दारू पिऊ नका. जंक फूड खावेसे वाटत असेल तर ते खाणे टाळावे. कारण अल्कोहोल किंवा जंक फूडचा थेट परिणाम दुधावर होतो. यामुळे मुलाचे आरोग्यही बिघडू शकते.
आहारात ड्रायफ्रूट्सचा समावेश करा
स्तनपान करणा-या महिलांनी आहारात जास्तीत जास्त ड्रायफ्रूट्सचा समावेश करावा. जसे की, अक्रोड, काजू, मनुका, पिस्ता. हे सर्व पाण्यात भिजवून सकाळी उठल्यावर खावे.
केळी आणि अंजीरचे सेवन करा
ज्या महिला आपल्या बाळाला दूध पाजतात त्या महिलांनी केळी आणि अंजीर खावे. पण अजून एक गोष्ट लक्षात घ्या की अंजीर जास्त खाऊ नका.
बडीशेपचं पाणी प्या
ज्या महिला आपल्या बाळाला दूध पाजतात त्यांनी बडीशेपचे पाणी प्यावे. त्यामुळे त्यांचे पचन चांगले राहते आणि पोट थंड राहते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :