Vat Purnima 2024 Fashion: वटपौर्णिमा या सणाची महिला आतुरतेने वाट पाहत असतात. या सणाला महिला नटून-थटून, साज-श्रृंगार करून वटवृक्षाच्या पूजेला जातात. जन्मोजन्मी हाच पती मिळो..सौभाग्याचं रक्षण करा.. अशी प्रार्थना वटवृक्षाला या दिवशी करतात. यंदा वटपौर्णिमा 21 जून रोजी आहे. या दिवसाची आणखी एक खास महत्त्व म्हणजे या दिवशी नवविवाहित असो किंवा इतर कोणतीही विवाहित, अविवाहित स्त्री.. या दिवशी त्यांना नटायला खूप आवडते. म्हणून आज आम्ही तुम्हाला साड्यांच्या काही खास डिझाईन्सबद्दल सांगणार आहोत. ज्या नेसल्यानंतर तुम्ही अगदी अभिनेत्रीप्रमाणे शोभून दिसाल, आणि सर्वांकडून कौतुक देखील होईल.. जाणून घ्या..

 

वटपौर्णिमा हा सण महिलांसाठी खास, या साड्या नेसाल, तर कौतुक होईल!

वटपौर्णिमा हा सण महिलांसाठी खास आहे.साहजिकच स्त्रिया सणांच्या काळात एथनिक लुकला प्राधान्य देतात आणि इतर कोणत्याही पोशाखात साडीपेक्षा चांगला लुक कुठे मिळेल... नाही का? अशात जसजसा सण जवळ येतो तसतशी महिला स्वत:साठी साडीची स्टाईल आणि डिझाइन शोधू लागतात. आज आम्ही महिलांना साडीमध्ये परफेक्ट एथनिक लूक मिळविण्यात मदत करू, तसेच बॉलीवूड अभिनेत्रींचे साडीतील सर्वोत्कृष्ट साडीचे लुक जाणून घ्या..

पिवळी सिल्क साडी

हिंदूंमध्ये पिवळा रंग अतिशय शुभ मानला जातो. वटपौर्णिमेच्या दिवशी तुम्ही स्वतःसाठी पिवळी रेशमी साडी निवडू शकता. साहजिकच उन्हाळ्यात सिल्क फॅब्रिकचे नाव ऐकूनच तुम्हाला घाम फुटला असेल. त्यामुळे तुम्ही कॉटन सिल्कची निवड करावी. या छायाचित्रात बॉलीवूड अभिनेत्री राणी मुखर्जीने फॅशन लेबल रॉ मँगोने डिझाइन केलेली साडी परिधान केली आहे. तुम्हालाही या प्रकारची साडी घालायची असेल, तर स्टाईल करण्याच्या या टिप्स तुमच्यासाठी खूप उपयुक्त ठरतील-

ओपन फॉल स्टाइलची साडी नेसायची नसेल तर सरळ पल्लू स्टाइलची साडी घाला किंवा शोल्डर प्लेट्स करा. या दोन्ही स्टाइल सिल्कच्या साडीत छान दिसतात.सिल्क साडीसोबत फक्त सिल्क फॅब्रिकचे ब्लाउज घाला. शक्य असल्यास, साडीच्या रंगाशी जुळणारे ब्लाउज घालण्याऐवजी, थोडा विरोधाभासी रंगाचा ब्लाउज घालावा.या प्रकारच्या साडीसोबत गोल्डन चोकर कॅरी करा. तुम्ही मॅचिंग बांगड्या किंवा सोनेरी बांगड्या देखील घालू शकता.जर तुम्हाला आणखी चांगला एथनिक लुक हवा असेल तर तुमचे केस कमी अंबाड्यात बांधा किंवा वेणी घाला.

साडी विथ शोल्‍डर प्‍लेट्स

या फोटोमध्ये मलायका अरोराने स्टायलिश स्टाईलमध्ये साडी नेसली आहे. मलायका सॅटिन ब्लाउजसोबत गुलाबी सिल्क साडीमध्ये खूपच सुंदर दिसत आहे. तुम्हीही मलायकाप्रमाणे सणासुदीला सजू शकता. 

जर तुम्ही साडीसोबत शोल्डर प्लीट्स बनवत असाल तर लक्षात ठेवा की जर खांदे रुंद असतील तर प्लीट्स कमी रुंद करा जर खांदे रुंद नसतील तर साडीचे प्लीट्स रुंद ठेवा. या प्रकारच्या साडीसोबत तुम्ही स्टायलिश स्लीव्हलेस ब्लाउजही कॅरी करू शकता. ब्लाउजचा रंगही साडीच्या रंगाशी कॉन्ट्रास्ट असावा. या प्रकारच्या साडीसोबत तुम्ही मोत्यांचे दागिने घालावेत. सिल्क फॅब्रिकसह मोत्याचे दागिने छान दिसतात. तुमच्या केसांमध्ये कमी अंबाडा बनवा आणि त्यावर तुमच्या आवडीचे फूल जोडा.

रफल साडी

रफल साडीची फॅशन फार पूर्वीपासून ट्रेंडमध्ये आहे, पण त्यात रोज नवनवीन बदल पाहायला मिळत आहेत. तुम्हालाही सणासुदीला रफल साडी नेसायची असेल तर अभिनेत्री तमन्ना भाटियाचा हा साडीचा लूक पाहावा-

पारंपारिक शैलीत रफल साडी नेसायची असेल तर पारंपरिक वर्क असलेली रफल साडी घालावी.रफल साडीसोबत सरळ पल्लू साडी कधीही नेसू नये. ओपन पल्लू स्टाइल किंवा शोल्डर पल्लू स्टाइलमध्ये तुम्ही रफल लुकची साडी घालू शकता.रफल साडीमध्ये पारंपारिक लुकसाठी तुम्ही सुंदर कमरबंध देखील कॅरी करू शकता.

 

 

हेही वाचा>>>

Fashion : 'दिसशी तू नवतरुणी काश्मिरी..!' साडी नेसून सुंदर दिसालच, पण 'या' हेअरस्टाईलने लागतील चारचांद!

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )