Travel : तुम्हालाही जास्त राग येतो? एक 500 वर्ष जुनं शनी मंदिर, जिथे तुमचा राग शांत होतो, खासियत जाणून घ्या

Travel : आज आम्ही तुम्हाला भारतातील एका प्राचीन शनिदेव मंदिराविषयी सांगणार आहोत, ज्याची खासियत ऐकून तुम्हीही थक्क व्हाल...

Travel : असं म्हणतात ना, तुमच्या कुंडलीत जेव्हा शनी उत्तम स्थानी असतो, तेव्हा तुमची भरभराट होते, मात्र तोच शनी जेव्हा वाईट अवस्थेत असतो, तेव्हा साडेसाती, ढैय्या माणसाच्या मागे लागते, ज्यामुळे जीवनात अनेक अडचणींचा सामना करावा लागतो. वैदिक ज्योतिषशास्त्रात शनिदेवाला कर्माचा देवता मानले जाते,  पौराणिक मान्यतेनुसार, शनिदेव माणसाला त्याच्या चांगल्या-वाईट कर्मांच्या आधारे फळ देतात. भक्त शनिदेवाला प्रसन्न करण्यासाठी विविध प्रकारचे विधी करतात. आज आम्ही तुम्हाला भिलवाड्यातील अशाच एका प्राचीन शनिदेव मंदिराविषयी सांगणार आहोत जे अत्यंत खास मंदिर आहे.

जिथे भगवान शनिदेव हत्तीवर विराजमान 

भारतातील राजस्थानातील भिलवाडा शहरातील रापत येथील बालाजी मंदिर परिसरात असलेले भगवान श्री शनिदेव मंदिर सुमारे 500 वर्षे जुने आहे. साधारणपणे तुम्ही भगवान शनिदेवाच्या मंदिरात कावळ्यावर बसलेले पाहिले असेल, पण भिलवाड्यातील हे एकमेव मंदिर आहे, जेथे भगवान शनिदेव गजराज म्हणजेच हत्तीवर विराजमान आहेत. त्यामुळे शनिदेवाचे दर्शन घेण्यासाठी तसेच ज्यांना राग जास्त आहे, त्यांचा राग कमी करण्यासाठी तसेच मन:शांती मिळविण्यासाठी येथे मोठ्या संख्येने लोक येतात, अशी मान्यता आहे,  केवळ दर्शनाने भाविकांच्या सर्व मनोकामना पूर्ण होतात.

सुमारे 500 वर्षे जुने मंदिर

प्राचीन श्री शनिदेव मंदिराचे पुजारी सांगतात की, रापतच्या बालाजी मंदिरात असलेले हे मंदिर भिलवाडा शहरातील पहिले शनिदेव मंदिर आहे. भगवान श्री शनिदेवाचे हे मंदिर सुमारे 500 वर्षे जुने आहे. भिलवाडा शहराची स्थापना झाली नव्हती, तेव्हापासून या मंदिराची स्थापना करण्यात आली असून ही जमिनीतून बाहेर आलेली मूर्ती असल्याचे मानले जाते. येथून शनिदेवाच्या दर्शनासाठी केवळ भिलवाडाच नव्हे तर राजस्थानच्या शेजारील राज्यातूनही भाविक येतात.

गजराजावर बसलेले शनिदेव

या मंदिराचे वैशिष्ट्य म्हणजे शनिदेवाची वाहनं सामान्यतः म्हैस आणि कावळे असतात, परंतु भिलवाड्यातील हे एकमेव मंदिर आहे. जेथे भगवान शनी गजराज म्हणजेच हत्तीवर विराजमान आहेत. जे लोकांचे लक्ष वेधून घेते आणि त्यांची देवावरील श्रद्धा आणखी वाढवते.

राग कमी होऊन मनाला शांती मिळते

हत्ती हे शौर्य आणि शहाणपणाचे प्रतीक आहे. शनिदेव हत्तीवर स्वार होणे दर्शविते की, एखाद्या व्यक्तीने त्याच्या स्वभावात नम्र असणे आणि शांत असणे आवश्यक आहे. येथे देवाचे दर्शन घेतल्याने मनातील राग कमी होऊन मनाला शांती मिळते. यासोबतच काम, नोकरी, व्यवसायात प्रगतीसाठी भाविक येथे देवाची पूजा करतात. भगवान श्री शनिदेव भक्तांचे दुःख दूर करतात आणि त्यांच्या मनोकामना पूर्ण करतात. अशी भाविकांची धारणा आहे. 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )