Relationship Tips : तुमचं प्रेम केवळ बोलूनच नव्हे... तर 'या' मार्गांनीही व्यक्त करू शकता, कम्युनिकेशन स्ट्रॅटेजी जाणून घ्या

Relationship Tips : जेव्हा तुम्ही रिलेशनशिप मध्ये येता तेव्हा फक्त 'आय लव्ह यू' म्हणणं हे तुमच्या जोडीदाराप्रती तुमचे प्रेम व्यक्त करण्यासाठी पुरेसे नाही..

Relationship Tips : आजकाल खरं प्रेम मिळायला भाग्य लागतं...असं जे म्हणतात, ते अगदी खरं आहे. कारण प्रेम हे केवळ शारिरीक गरजा किंवा स्वार्थ पाहून केलं जात नाही, तर नातं हे प्रेम, विश्वास आणि आदर या तीन गोष्टींच्या पायावर उभं असतं, त्यापैकी एक जरी कोलमडला तरी ते नातं फार काळ टिकत नाही,  जे लोक रिलेशनशिपमध्ये आहेत, ते दिवसभरातून शंभर वेळा 'माझे तुझ्यावर प्रेम आहे...' हे वाक्य एकमेकांना बोलत असतात. पण रिलेशनशिप तज्ज्ञांच्या मते नात्यात केवळ हे तीन शब्द तुमच्या भावना व्यक्त करण्यासाठी पुरेसे नाहीत. कारण जेव्हा तुम्ही रिलेशनशिप मध्ये येता तेव्हा फक्त 'आय लव्ह यू' म्हणणं हे तुमच्या जोडीदाराप्रती तुमचे प्रेम व्यक्त करण्यासाठी पुरेसे नाही, तुम्ही तुमचे नाते मजबूत करण्यासाठी इतर अनेक मार्गांनी प्रेम व्यक्त करू शकता.. जाणून घ्या..

 

प्रेम व्यक्त करण्यासाठी 'आय लव्ह यू' हे वारंवार सांगण्याची गरज नाही

रिलेशनशिपमध्ये असताना जोडीदारावर प्रेम व्यक्त करण्यासाठी आय लव्ह यू हे वारंवार सांगण्याची गरज नाही. अर्थात, हे तीन शब्द तुमच्या जोडीदाराप्रती तुमचे प्रेम व्यक्त करतात, पण दुसरीकडे जर तुम्ही अशा गोष्टी करत असाल ज्या तुमच्या जोडीदाराला आवडत नसतील, तर त्या 'आय लव्ह यू' ला काही अर्थ नाही. प्रेमाची भाषा बोलण्यापेक्षा ती समजणे महत्त्वाचे आहे. कोणताही आवाज न करताही तुम्ही तुमच्या जोडीदाराला प्रेमाची जाणीव करून देऊ शकता. आज आपण अशाच काही कम्युनिकेशन स्ट्रॅटेजीजबद्दल जाणून घेणार आहोत.

 

ऐकण्याची सवय ठेवा

तुमचं मजबूत करण्यासाठी, जोडीदाराशी बोलण्यासाठी वेळ काढा. जिथे तुम्ही ऐकण्यावर जास्त आणि बोलण्यावर कमी लक्ष केंद्रित करता. ऐकण्याची सवय तुमच्या जोडीदाराबद्दलची तुमची आवड आणि समज दर्शवते. याव्यतिरिक्त, ही स्ट्रॅटेजी एक भावनिक कनेक्शन देखील तयार करते.

 

सहानुभूती व्यक्त करा

जर तुमचा जोडीदार एखाद्या गोष्टीबद्दल नाराज असेल तर 'मला काय करायचं आहे' अशी वृत्ती न ठेवता त्याच्याशी सहानुभूती दाखवा. त्याला तुमच्यासोबत आरामदायक वाटू द्या. जेणेकरून ते त्यांच्या समस्या तुमच्याशी शेअर करू शकतील.

 

नॉन-वर्बल संवादाची मदत घ्या

आपल्या जोडीदाराशी आपले नाते मजबूत करण्यासाठी, त्याला मिठी मारणे, हातात हात घालून बसणे, त्याच्याशी गोड हसणे पुरेसे आहे. न बोललेल्या गोष्टी समजून घेणं ही नात्याची खासियत आहे. ज्यामुळे एकत्र राहून प्रेम आणखी वाढतं.

प्रशंसा करा

तुमच्या जोडीदाराच्या बोलण्याने तुम्ही प्रभावित झाला असाल तर त्याची/तिची प्रशंसा करून ती व्यक्त करा. प्रशंसा केवळ महिलांनाच आवडते असे नाही तर ते पुरुषांमध्ये हॅप्पी हार्मोन्स वाढवण्याचे काम करते.

 

प्रत्येक परिस्थितीत एकत्र राहण्याचे वचन द्या

कोणतेही नाते खऱ्या अर्थाने दु:खाच्या वेळीच कळते. प्रत्येकजण आनंदात तुमची साथ देतो, परंतु जर तुमचे तुमच्या जोडीदारावर खरे प्रेम असेल तर कठीण प्रसंगातही तुम्ही त्यांची साथ सोडणार नाही याची खात्री त्यांना द्या. या छोट्याशा प्रयत्नाने तुम्ही आय लव्ह यू न म्हणता तुमच्या जोडीदाराच्या हृदयात तुमची जागा बनवू शकता.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )