सूर्यकिरणे तुमच्या त्वचेसोबतच केसांसाठीही धोकादायक

अति घामामुळे केस चिकट आणि निस्तेज बनतात. यासाठी केस सौम्य शॅम्पूने धुवावेत. परंतु केस धुताना डोके घासू नये.

सूर्याची प्रखर किरणे ही तुमच्या त्वचेसोबतच केसांनाही धोकादायक आहेत. यापासून स्वत:ची जरुर काळजी घ्या.

त्वचेतील कोमलपणा कायम ठेवण्यासाठी आहारातील संत्री, मोसंबी, अननस, टोमॅटो, कोशिंबिर आदींचे प्रमाण वाढवावे.

बाजारात अनेक सनस्क्रीम उपलब्ध असतात. यातील एसपीएच 25 किंवा त्यापेक्षा अधिक प्रमाण असलेल्या क्रिमची निवड करावी. रोज घरातून बाहेर पडताना 30 मिनिटांपूर्वी हे सनस्क्रीन त्वचेवर लावावं

त्वचा आणि केसांच्या पोषणासाठी पाणी, फऴांचे रस, थंड दूध, नारळ पाणी रोज प्यावे. द्रव पदार्थ आपल्या शरीरातील मृत पेशींना पुनर्जीवित करण्याचे काम करतात.

केस धुतल्यानंतर कंडिश्नरचा वापर करावा. यामुळे तुमचे केस सॉफ्ट राहतात.

यासाठी मेकअप विशेषज्ञ श्रेया चड्डा सांगतात की, सूर्याच्या किरणांमुळे तुमच्या त्वचेतील ओलावा कमी होतो. त्यामुळे त्वचेतील ओलावा कायम ठेवण्यासाठी तुम्ही नेहमी स्वत:कडे एसेंस स्प्रे ठेवावा. एसेंस स्प्रे तुमच्या शरीरातील हिमोग्लोबिन संतुलित ठेऊन त्वचेतील ओलावा नियंत्रित करतो.

चेहऱ्यावरील तेलकटपणा घालवून फ्रेश होण्यासाठी दिवसातून दोन-चारवेळा अल्फा हायड्रोक्सी अॅसिडयुक्त फेसवॉश वापरावा. तसेच झोपण्यापूर्वी तेल विरहीत मॉईश्चर क्रीम लावावी. यामुळे तुमच्या त्वचेतील तजेलपणा कायम राहतो.

घामामुळे डोक्यात कोंडा निर्माण होतो. त्यामुळे आठवड्यातून एकदा झिंक पायरिथोन आणि केटोकोनजोल युक्त मेडिकेटेड शॅम्पूने केस धुवावेत. कोंडा घालवण्यासाठी लिंबू किंवा मेथीसारखे घरगुती उपायही अतिशय गुणकारी आहेत.