Drinking Hot Water Disadvantages : आतापर्यंत तुम्ही गरम पाणी पिण्याचे अनेक फायदे ऐकले असतील. जेव्हा लोक वजन कमी करण्याचा प्रयत्न करतात तेव्हा मनात पहिली गोष्ट येते ती म्हणजे गरम पाणी. असे काही लोक आहेत जे घशाशी संबंधित समस्या टाळण्यासाठी गरम पाण्याचे सेवन करतात. गरम पाणी पिण्याची प्रत्येकाची स्वतःची कारणे आहेत. गरम पाणी पिण्याचे अनेक आरोग्यदायी फायदे आहेत यात शंकाच नाही. पण जेव्हा कोणत्याही गोष्टीचे जास्त सेवन केले जाते तेव्हा ते आरोग्यासाठी घातक देखील ठरू शकते. त्यामुळेच जेव्हा तुम्ही जास्त गरम पाणी पिता तेव्हा त्याचे शरीरावर अनेक वाईट परिणाम होतात.
जास्त गरम पाणी पिण्याचे तोटे
1. झोपेची समस्या : जर तुम्ही रात्री झोपताना गरम पाणी प्यायले तर आजपासून ते करणे बंद करा. कारण झोपताना गरम पाणी पिऊन शांत झोपायला खूप त्रास होतो. तुम्हाला पुन्हा पुन्हा शौचालयात जावे लागू शकते.
2. किडनीवर वाईट परिणाम : जास्त गरम पाणी प्यायल्याने देखील किडनीच्या आरोग्यावर परिणाम होतो. संशोधनात असे दिसून आले आहे की, जास्त गरम पाणी प्यायल्याने किडनीच्या कार्यात अडथळा निर्माण होतो आणि किडनीवर जास्त दबाव येतो.
3. शरीराच्या अवयवांचे नुकसान : जास्त गरम पाणी प्यायल्याने शरीराच्या अंतर्गत अवयवांवरही वाईट परिणाम होतो. ते जळण्याची शक्यता वाढते. शरीराच्या अंतर्गत अवयवांच्या ऊती अतिशय संवेदनशील असतात. त्यामुळे त्यांच्यावर फोड येण्याचा धोका असू शकतो.
4. नसांना सूज येणे : जास्त गरम पाणी प्यायल्याने मेंदूच्या नसांना सूज येऊ शकते. एवढेच नाही तर गरम पाणी प्यायल्यानेही डोकेदुखी होऊ शकते.
5. अन्ननलिकेचे नुकसान होते : गरम पाणी प्यायल्याने अन्ननलिकेवर सर्वाधिक परिणाम होतो. तोंड आणि पोट यांना जोडणारी ही अन्ननलिका आहे. गरम पाणी प्यायल्याने या अन्ननलिकेतून दाणे बाहेर पडू लागतात. याबरोबरच त्यात जळजळही सुरू होते. ही वेदना दीर्घकाळ असते.
शरीरासाठी किती गरम पाणी आवश्यक आहे?
दिवसातून फक्त तीन ग्लास कोमट असलेले पाणी प्या. जेव्हा तुम्ही गरम पाणी प्याल तेव्हा ते जेवण झाल्यावर प्या. याने तुमचे वजनही नियंत्रणात राहील, तुम्ही निरोगी राहाल आणि तुमच्या पोटासाठीही चांगले आहे.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :