Health Tips : जर तुम्ही सतत एखादी गोष्ट विसरत असाल, योग्य निर्णय घेता येत नसतील, किंवा तुम्ही मानसिक तणावाखाली (Mental Health) असाल, तर याचा अर्थ तुमची स्मरणशक्ती कमकुवत झाली आहे. सध्याच्या या धावपळीच्या काळात मेंदू निरोगी आणि तंदुरुस्त राहणे महत्त्वाचे आहे.
जर तुम्हाला निरोगी आयुष्य जगायचं असेल तर त्यासाठी तुमचे मानसिक आरोग्य चांगलं राहणं गरजेचं आहे. तुमचं मानसिक आरोग्य सुधारण्यासाठी खाण्यापिण्याबाबत विशेष काळजी घेणे देखील महत्त्वाचे आहे. तुमचा मेंदू निरोगी आणि तीक्ष्ण ठेवण्यासाठी काही खास भाज्या तुमच्यासाठी फायदेशीर ठरू शकतात.
ब्रोकोली (Broccoli)
ब्रोकोलीमध्ये व्हिटॅमिन के, सेलेनियम आणि अँटिऑक्सिडंट असतात, जे मानसिक आरोग्याला चालना देण्यास मदत करतात. ब्रोकोलीमध्ये ग्लुकोसिनोलेट्स नावाचे संयुग भरपूर प्रमाणात असते. आयसोथियोसायनेट्स ऑक्सिडेटिव्ह ताण कमी करू शकतात आणि न्यूरोडीजेनेरेटिव्ह विकारांचा धोका कमी करू शकतात.
बीटा-कॅरोटीन समृद्ध भाज्या
इतर अँटिऑक्सिडंट्सप्रमाणेच बीटा-कॅरोटीन मेंदूचे कार्य सुधारू शकते. हा घटक स्मरणशक्ती वाढवण्याचे काम करतो. गाजर, कोबी आणि टरबूज यांसारख्या भाज्यांमध्ये बीटा-कॅरोटीन मुबलक प्रमाणात असते, जे मेंदूच्या नसा निरोगी ठेवण्यास मदत करते.
पालक (Spinach)
हार्वर्ड हेल्थ अहवालानुसार, पालक खाणे तुमच्या मेंदूच्या आरोग्यासाठी फायदेशीर आहे. कारण त्यात व्हिटॅमिन ए, ल्युटीन आणि कॅरोटीन सारख्या अँटिऑक्सिडंट्स भरपूर प्रमाणात असतात. पालकमध्ये फोलेट आणि व्हिटॅमिन के असते, जे मेंदूच्या योग्य विकासासाठी आवश्यक असतात.
भेंडी (Ladyfinger)
भेंडीमध्ये पॉलीफेनॉल आणि व्हिटॅमिन बी 6 असते, जे मेंदूच्या आरोग्यासाठी देखील फायदेशीर असतात. विचार करण्याची आणि समजून घेण्याची क्षमता वाढवण्यासाठी, स्मरणशक्ती कमकुवत होण्यापासून रोखण्यासाठी हे उपयुक्त आहे. भेंडीमध्ये असलेले लेक्टिन प्रोटीन कर्करोगाच्या पेशींच्या वाढीस प्रतिबंध करते. भेंडी आपल्या प्रणालीमध्ये रक्तातील साखरेची पातळी आणि कोलेस्ट्रॉलची पातळी सुधारते.
टोमॅटो (Tomato)
टोमॅटोमध्ये लाइकोपीन असते, जे मेंदूच्या आरोग्यासाठी खूप फायदेशीर असते. टोमॅटो हे दोन ऑल-स्टार अँटिऑक्सिडंट्सचे विशेषतः चांगले स्त्रोत आहेत: लाइकोपीन आणि बीटा-कॅरोटीन. मेंदूच्या पेशींना नुकसान होण्यापासून रोखण्यासाठी हे आवश्यक आहेत.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :