Health: बदलत्या जीवनशैलीमुळे अनेकदा हाडे दुखण्याची समस्या दिसू लागते. शरीरात पुरेसे कॅल्शियम नसल्याने हाडे कमकुवत होऊन बसताना उठताना किंवा कोणतेही शारीरिक काम करताना हाडे दुखण्याचा त्रास दिसून येतो. यासाठी शरीरात कॅल्शियम सोबतच विटामिन डी, झिंक, फॉस्फरस आणि महत्त्वाची प्रथिने यासोबतच विटामिन के असणं आवश्यक आहे. कोणत्या पदार्थांमध्ये हे ही सगळी प्रथिन, प्रोटिन्स आणि जीवनसत्व आढळतात?
कोणत्या पदार्थांमध्ये असते कॅल्शियम?
मजबूत हाडांसाठी शरीरात कॅल्शियमची गरज आहे. नॅशनल हेल्थ सर्वेनुसार एखाद्या व्यक्तीला दिवसाला 700 एमजी कॅल्शियमची आवश्यकता असते. दूध चीज किंवा दुग्धजन्य पदार्थांमध्ये तसेच हिरव्या पालेभाज्या सोयाबीन टोफू, ब्रोकली, बदाम मासे यामध्ये कॅल्शियम मुबलक प्रमाणात असते. आपल्या आहारात सातत्याने या पदार्थांचा समावेश असल्याने कॅल्शियमची गरज पूर्ण होऊन हाडे मजबूत राहण्यास मदत होते.
विटामिन डी साठी फक्त सूर्यप्रकाशच नाही हे पदार्थही खा
विटामिन डी म्हटलं की सूर्यप्रकाश एवढाच उत्तर आपल्याला माहीत असतं. पण शरीरात विटामिन डी मिळवण्यासाठी आणखी काही पदार्थांचा समावेश केल्याने ही गरज थोड्या प्रमाणात का होईना पण भरून निघते. विटामिन डी चा मुख्य स्त्रोत सूर्यप्रकाश आहे पण काही पदार्थांमध्ये विटामिन डी असतं. यासाठी फॅटी फिश, रताळे, मशरूम, टूना फिश, फॉर्तिफिएड तृणधान्य, तांदूळ, संत्र्यांचा रस या पदार्थांमध्ये ही काही प्रमाणात विटामिन डी असल्याने या पदार्थांचा समावेश आहारात करायला हवा.
विटामिन सी च्या कमतरतेने वाढते मणकेदुखी
व्हिटॅमिन सी मान आणि मणक्याच्या हाडांची घनता वाढवते. म्हणजेच मान आणि मणक्याचे दुखणे हे व्हिटॅमिन सी ची कमतरता देखील असू शकते. यासाठी संत्री, लिंबू यासह हंगामी फळांचा वापर आहारात करण्याचा सल्ला तज्ञ देतात.
हाडांच्या मजबुतीसाठी झिंक, फॉस्फरस महत्त्वाचं
हाडे मजबूत राहण्यासाठी तसेच हाडांचे घनता वाढवण्यासाठी झिंक महत्त्वाची भूमिका बजावतो. तसंच कॅल्शियम नंतर हाडांमध्ये सर्वाधिक फॉस्फरसची गरज असते. संपूर्ण शरीरातील 80% फॉस्फरस फक्त दात आणि हाडांमध्ये असतो.
प्रथिने किती महत्त्वाची?
शरीराला ऊर्जा देण्याचं काम प्रथिने करतात. प्रथिनांच्या कमतरतेमुळे कॅल्शियम शरीरात नीट शोषले जात नाही. यासाठी आहारात दूध दही यासह काळे बीन्स, मसूर, कॉर्न, बटाटा, अंडी, फळे यांचा आवर्जून समावेश करा. र व्हिटॅमिन सी, व्हिटॅमिन के, मँगनीज आणि झिंक नसल्यास हाडे फुगायला लागतात. म्हणून, जर तुम्हाला हाडे मजबूत करायची असतील, तर अनेक प्रकारचे जीवनसत्त्वे आणि खनिजे शरिराला पुरवणं आवश्यक आहे. आहारात काही पदार्थांचा समावेश करूनही निरोगी हाडे ठेवता येणं सोपं आहे.