Height Increase Diet : मुलांची वाढ होण्यासाठी पालक सर्वतोपरी काळजी घेतात. मुलांची उंची वाढवण्यासाठी त्यांचे शारीरिक आणि मानसिक आरोग्य (Mental Health) दोन्ही खूप महत्त्वाचे आहे. तसेच, मुलांची उंची अनुवांशिकता, पोषण आणि व्यायाम यावर अवलंबून असते. मुलांचा आहार चांगला ठेवला तर त्यांची उंची वाढू शकते. असे काही पदार्थ आहेत जे मुलांच्या शरीराला आवश्यक पोषक तत्त्वे देतात आणि त्यांची वाढ वाढवण्यास मदत करतात. मुलांची उंची वाढवण्यासाठी त्यांना कोणता आहार द्यावा या संदर्भात अधिक माहिती जाणून घेऊयात.
मुलांची उंची वाढवण्यासाठी आहार
दूध आणि दुग्धजन्य पदार्थ
मुलांची उंची वाढवण्यासाठी दूध आणि दुग्धजन्य पदार्थ उत्तम मानले जातात. प्रथिने, कॅल्शियम आणि व्हिटॅमिन डी दूध आणि दुग्धजन्य पदार्थांमध्ये मुबलक प्रमाणात आढळतात, जे मुलांच्या वाढीसाठी खूप महत्वाचे आहेत. मुलांना दिवसातून किमान 1-2 ग्लास दूध द्यावे. याशिवाय दही, चीज आणि इतर दुग्धजन्य पदार्थ जेवणात द्यावेत.
हिरव्या भाज्या
व्हिटॅमिन ए, व्हिटॅमिन सी आणि कॅल्शियम हिरव्या भाज्यांमध्ये आढळते. या सर्व गोष्टींची उंची वाढण्यास मदत होते. त्यामुळे मुलांना सॅलड, सूप आणि इतर पौष्टिक आहार द्यावा. यामुळे मुलांची वाढ होण्यास मदत होईल.
फळं
मुलांची उंची वाढवण्यासाठी त्यांना आहारात फळेही खायला द्यावीत. फळांमध्ये भरपूर जीवनसत्त्वे, खनिजे आणि फायबर असतात. जर मुलाची उंची वाढण्याच्या टप्प्यात असेल तर त्याला दिवसातून किमान दोनदा फळे किंवा ज्यूस द्यावा.
ड्रायफ्रूट्स
ड्रायफ्रूट्स देखील प्रथिने, निरोगी चरबी आणि इतर पोषक तत्वांनी समृद्ध असतात. या सर्व गोष्टी मुलांची उंची वाढवण्यासाठी खूप उपयुक्त आहेत. त्यामुळे मुलांना काजू, बदाम, मनुके खायला द्यावेत.
अंडी
अंडी हा प्रोटीनचा चांगला स्रोत आहे. मुलांची उंची वाढवण्यासाठी हे खूप चांगले मानले जाते. अंड्यांमध्ये अनेक प्रकारचे पोषक घटक आढळतात, ज्यामुळे उंची वाढण्यास मदत होते. म्हणून, मुलांना दिवसातून 1-2 अंडी खायला द्यावीत.
मुलांची उंची वाढवण्याचे आणखी काही उपाय
1. मुलांना नियमित व्यायाम करायला लावा.
2. उंची वाढवण्यासाठी मुलांना पुरेशी झोप घेऊ द्या.
3. मुलांच्या वाढीसाठी त्यांना तणावापासून दूर ठेवा.
4. मुलांना निरोगी जीवनशैली द्या.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :