Vijay Deverakonda First Reaction After Car Accident: 'अर्जुन रेड्डी' (Arjun Reddy) फेम अभिनेता विजय देवरकोंडाच्या (Vijay Deverakonda) कारचा भीषण अपघात (Car Accident) झाल्याचं वृत्त आलं आणि सर्वत्र खळबळ माजली. ज्यावेळी अपघात झाला, त्यावेळी विजय देवरकोंडा गाडीतच होता. अशातच अपघातग्रस्त कारचा व्हिडीओही समोर आला. यामध्ये कारचा पूर्णपणे चक्काचूर झाल्याचं दिसतंय. त्यामुळे चाहत्यांना आपल्या लाडक्या अभिनेत्याबाबत चिंता लागून राहिली होती. अखेर अपघातानंतर अभिनेत्याची पहिली प्रतिक्रिया समोर आली आहे.
विजय देवरकोंडानं त्याच्या ट्विटर अकाउंटवर यासंदर्भात माहिती शेअर केलेली. विजयनं त्याच्या ट्विटर अकाउंटवर शेअर केलंय की, तो ठीक आहे आणि काळजी करण्याची गरज नाही... त्यानं पुढे म्हटलंय की, त्याच्या डोक्याला किरकोळ दुखापत झाली आहे, ज्यामुळे वेदना होत आहे.
विजयनं शेअर केली हेल्थ अपडेट...
विजय देवरकोंडानं लिहिलंय की, "सर्व काही ठीक आहे (रेड हॉर्ट इमोजी). गाडीची टक्कर झाली, पण आम्ही सर्वजण ठीक आहोत... मी स्ट्रेंथ वर्कआउट केलंय आणि आत्ताच घरी पोहोचलोय. माझ्या डोक्याला थोडीशी दुखापत झाली, जी वेदनादायक आहे, पण अशी कोणतीही गोष्ट नाही जी बिर्याणी आणि झोप बरी करू शकत नाही... तुम्हा सर्वांना खूप खूप प्रेम आणि आपुलकी... या बातमीमुळे तुम्हाला ताण येऊ देऊ नका..."
कधी आणि कुठे झालेला अपघात?
दोन दिवसांपूर्वीच रश्मिका आणि विजय देवरकोंडा यांचा अपघात झाल्याच्या बातम्या आलेल्या. 'किंगडम' चित्रपटातील हा अभिनेता आपल्या कुटुंबासह पुट्टपर्ती येथील प्रशांती निलयम आश्रमात श्री सत्य साई बाबांच्या महासमाधीचे दर्शन घेण्यासाठी गेला होता. तेलंगणातील जोगुलम्बा गडवाल जिल्ह्यातील हैदराबाद-बंगळुरू महामार्गावर हैदराबादला परतत असताना हा अपघात झाला. मीडिया रिपोर्टनुसार, देवेराकोंडाच्या लेक्सस एलएम350 ला मागून दुसऱ्या कारनं धडक दिली. या धडकेतून थोडक्यात बचावल्यानं, तेलुगू स्टार मित्राच्या कारनं हैदराबादला रवाना झाल्याची माहिती समोर आली आहे.
रश्मिकासोबतच्या साखरपुड्याच्या चर्चा
अभिनेत्याच्या ड्रायव्हरनं आरोपीविरुद्ध तक्रार दाखल केली असून घटनेची चौकशी सुरू करण्यात आली आहे. विजयच्या भेटीदरम्यान पुट्टपर्ती प्रशासनानं त्याचं पुष्पगुच्छ देऊन स्वागत केलं. त्यावेळीचा त्याचा एक फोटो सोशल मीडियावर व्हायरल झाला आहे. त्यावेळी विजयच्या हातातली रिंग स्पॉट झालीय. मीडिया रिपोर्टनुसार, विजयनं गेल्या आठवड्यात अभिनेत्री रश्मिका मंदानासोबत साखरपुडा उरकला आहे. मात्र, अद्याप याबाबत कोणतीही सार्वजनिक घोषणा झालेली नाही. पुढील वर्षी फेब्रुवारीमध्ये हे जोडपं लग्न करणार असल्याचं सांगितलं जातंय.
महत्त्वाच्या इतर बातम्या :