Chandrika Dixit on Sons upbringing: वडा पाव गर्ल या नावाने चंद्रिका दीक्षितला रातोरात प्रसिद्धी मिळाली. ती सध्या आपल्या वैयक्तिक आयु्ष्यामुळे प्रचंड चर्चेत आहे. दरम्यान, चंद्रिका पुन्हा एकदा वादाच्या भोवऱ्यात अडकली आहे. तिचा एक व्हिडिओ सोशल मीडियात व्हायरल होत आहे. या व्हिडिओत तिनं अत्यंत आक्षेपार्ह विधान केलं आहे. तिनं आपल्या मुलाच्या संगोपनासाठी कोणत्याही थराला जाण्यास तयार असल्याचं सांगितलं. तिचं वक्तव्य सोशल मीडियात चर्चेत आलं आहे. यामुळे तिला काही जणांनी ट्रोल केलं आहे.
वडा पाव गर्ल म्हणजेच चंद्रिका दीक्षित गेल्या काही दिवसांपासून मॅरेज लाईफमुळे चर्चेत आहे. पती युगम गेरासोबत तिचे नाते संपुष्टात येणार असल्याचं बोललं जात आहे. चंद्रिका आणि तिच्या पतीच्या नात्यात पडलेल्या दरारामुळे, ती आता दुसऱ्या लग्नामुळे चर्चेत आली आहे. ती लवकरच दुसरं लग्न करणार असल्याची माहिती आहे. दरम्यान, अलिकडेच तिनं केलेल्या एका वक्तव्यामुळे ती पुन्हा एकदा वादाच्या भोवऱ्यात अडकली आहे. तिनं एका पॉडकास्टमध्ये मुलाच्या संगोपनाबद्दल आणि आर्थिक अडचणींबद्दल सांगितले. तिनं केलेलं वक्तव्य ऐकून अनेकांना धक्का बसला.
मुलाखतीत चंद्रिता दीक्षित म्हणाली, 'मला खरंतर कशाचीही लाज नाही आहे. एक आई होण्याच्या नाते, मी एक खूप गंभीर गोष्ट इथे सांगत आहे. मला माहित नाही की लोक काय विचार करतील, किंवा जज करतील.. जर मला माझ्या मुलाचे संगोपन करण्यासाठी कुणासोबत झोपावे लागले तर, मी ते करेन..पण मी माझ्या मुलाला वाढवणारच', असं चंद्रिका दीक्षित म्हणाली. हा पॉडकास्ट सध्या सोशल मीडियात तुफान व्हायरल होत आहे.
या पॉडकास्टमधील क्लिप सोशल मीडियात व्हायरल होताच, नेटकऱ्यांनी तिला प्रचंड ट्रोल केलं आहे. बरेच लोक तिनं पॉडकास्टमधील केलेलं विधान ऐकून शॉक झाले आहेत. तर, काहींनी हा मार्ग स्वीकारण्यापेक्षा कठोर परिश्रम करण्याचा सल्ला दिला आहे. तर, काहींनी या सर्व प्रकाराला नौटंकी असं म्हटलं आहे.
चंद्रिका दीक्षित नेमकी आहे तरी कोण?
वडा पाव गर्ल म्हणून ओळखल्या जाणाऱ्या चंद्रिका दीक्षित ही एक सोशल मीडिया इन्फ्ल्युएंसर आहे. दिल्लीत तिचा वडा पाव स्टॉल आहे. तिला खरी ओळख वडा पाव स्टॉलमुळे मिळाली. यानंतर तिला बिग बॉस ओटीटी 3 या रिअॅलिटी शोमध्ये येण्याची संधी मिळाली.