Thunderbolts Teaser Out : मार्वल स्टुडिओ आणि इंडी दिग्गजांची एक टीम ह्यांनी 'थंडरबोल्ट्स' (Thunderbolts) या सिनेमाचा टीझर नुकताच रिलीज करण्यात आला आहे. यामध्ये अनेक नवीन चेहऱ्यांना संधी देण्यात आल्याचं पाहायला मिळतंय. त्यामुळे आता या सिनेमाची उत्सुकता प्रेक्षकांना लागून राहिली आहे. हा सिनेमा 2 मे रोजी प्रेक्षकांच्या भेटीला येणार आहे.
ह्या चित्रपटात मार्वल सिनेमॅटिक युनिव्हर्स च्या पडद्यावर बकी बार्न्स (सेबॅस्टियन स्टॅन), रेड गार्डियन (डेव्हिड हार्बर), जॉन वॉकर (व्याट रसेल), टास्कमास्टर (ओल्गा कुरिलेन्को), घोस्ट (हॅना जॉन-कामेन) आणि व्हॅलेंटीना ॲलेग्रा डी फॉन्टेन (ज्युलिया लुई-ड्रेफस) ही पात्रं पुन्हा एकदा प्रेक्षकांच्या भेटीला येणार आहेत.
'या' दिवशी येणार सिनेमा भेटीला
जेक श्रेयर ह्यांनी "थंडरबोल्ट्स" दिग्दर्शित केला आहे आणि केविन फीज ह्या चित्रपटाचा निर्माता आहे. लुई डी'एस्पोसिटो, ब्रायन चापेक, जेसन टेमेझ आणि स्कारलेट जोहानसन ह्यांनी कार्यकारी निर्माते म्हणून काम केले आहे.मार्वल स्टुडिओ चा "थंडरबोल्ट्स*" सिनेमागृहात 2 मे 2025 रोजी इंग्रजी, हिंदी, तमिळ आणि तेलगूमध्ये प्रदर्शित करण्यात येणार आहे.
सिनेमाची कथा काय?
'थंडरबोल्ट्स' ची कथा मार्वल जगतातील त्या खलनायकांची आहे, ज्यांच्यात आता सुधारणा झाली आहे. या खलनायकांची एक टीम तयार करण्यात आली आहे, ज्याची निवड अमेरिकन सरकारने गुप्त मिशन पार पाडण्यासाठी केली आहे. डेव्हिड हार्बरने ॲलेक्सी शोस्ताकोव्ह, रेड गार्डियनची भूमिका केली आहे. तर या चित्रपटात ओल्गा कुरिलेन्को, हॅना जॉन-कामेन, ज्युलिया लुई-ड्रेफस, व्याट रसेल आणि लुईस पुलमन यांच्याही भूमिका आहेत.
'थंडरबोल्ट्स' च्या टीझर ट्रेलरची सुरुवात येलेना बेलोवा तिच्या वडिलांना, ॲलेक्सी शोस्ताकोव्हला सांगण्यासाठी आली की ती फक्त भटकत आहे आणि काही उद्देश नाही. ट्रेलरमध्ये असंही पाहायला मिळत आहे की, येलेना तिच्या चुकीच्या साथीदारांसह तिजोरीसारख्या खोलीत अडकली आहे जिथे त्यांना समजतं की, कोणीतरी त्यांना मारुन टाकू इच्छित आहे.