Thalapathy Vijay : साऊथ स्टार थलापती विजय आता राजकारणात करणार एंट्री; लोकसभेच्या निवडणुकीपूर्वी घेणार मोठा निर्णय

Thalapathy Vijay : दाक्षिणात्य अभिनेते आजवर सिनेक्षेत्राबरोबरच राजकारणातही आपली छाप सोडताना दिसले आहेत. अनेक अभिनेते हिट सिनेमे केल्यानंतर राजकारणात सक्रीय झाले होते.  दरम्यान आता थलापती विजयही (Thalapathy Vijay)  राजकारणात एंट्री करणार असल्याचे बोलले जात आहे.

Thalapathy Vijay : दाक्षिणात्य अभिनेते आजवर सिनेक्षेत्राबरोबरच राजकारणातही आपली छाप सोडताना दिसले आहेत. अनेक अभिनेते हिट सिनेमे केल्यानंतर राजकारणात सक्रीय झाले होते.  दरम्यान आता थलापती विजयही (Thalapathy Vijay)  राजकारणात एंट्री करणार असल्याचे बोलले जात आहे. थलापती विजय (Thalapathy Vijay) रजनीकांत आणि कमल हसन (Kamal Haasan) यांच्याप्रमाणेच राजकारणाच्या मार्गावर जाताना दिसतोय. यापूर्वीही दाक्षिणात्य अभिनेते राजकारणात उतरले. त्यांचा राजकारणातील इतिहास मोठा आहे. अभिनेते करुणानिधी यांनी सिनेक्षेत्रातून कारकिर्द सुरु केली. त्यानंतर राजकारणात आले आणि मुख्यमंत्री देखील झाले. पुढे त्यांनी तब्बल 5 वेळेस तामिळनाडूच्या मुख्यमंत्रिपदाची जबाबदारी सांभाळली होती.

विजय थलापतीच्या जनलर काऊंसिलचे विजय मक्कल इय्यकम यांनी याबाबतच्या बातमीला दुजोरा दिला आहे. सुपरस्टार विजय लोकसभेच्या निवडणुकीपूर्वी राजकारणात एंट्री करणार असल्याचे त्याने स्पष्ट केले आहे. राजकारणातील प्रवेशाबाबत गुरुवारी (दि.27) एक बैठक घेण्यात आली होती. त्यानंतर राजकारणातील प्रवेशावर शिक्कामोर्तब झाला असल्याचे बोलले जात आहे. साऊथ स्टार विजय थलापतीचा चाहता वर्ग मोठा आहे. या शिवाय सामाजिक कार्यातही विजय अग्रेसर असतो. त्यामुळे लोकांमध्ये विजय थलापतीचे काम पोहोचले आहे. त्याचा त्याला राजकारणातही मोठा फायदा होईल, असे बोलले जात आहे. 

स्थानिक राजकारणात होता विजयचा सहभाग 

विजय थलापती यापूर्वी स्थानिक राजकारणात सक्रिय होता. सोशल मीडियावरही त्याचा चाहता वर्ग मोठा आहे. त्यामुळे थलापतीची राजकीय कारकिर्द कशी असेल? याबाबत सर्वांना उत्सुकता आहे. सिनेक्षेत्रात आपल्या भूमिकांतून चाहत्यांच्या पसंतीस उतरणारा विजयला दक्षिणेतील लोक राजकारणात किती साथ देणार? हे पाहावे लागेल. 2018 मध्ये थुथुकडी पोलीस फायरिंगच्या प्रकरणानंतर विजयचा राजकारणातील सहभाग वाढला होता. विजय 2026 मध्ये राजकारणात पदार्पण करणार असल्याचे बोलले जात होते. मात्र, त्यापूर्वीच तो राजकीय कारकिर्दीला सुरुवात करेल, असे बोलले जात आहे. 

दक्षिणेतील अनेक अभिनेत्यांनी केलाय राजकारणात प्रवेश 

सिनेक्षेत्रात राजकारणात एंट्री करण्यासाठी उत्सुक असलेला विजय हा पहिलाच अभिनेता नाही. यापूर्वी दक्षिणेतील अनेक अभिनेत्यांनी राजकारणात पदार्पण करुन मोठं यश मिळवलंय. एनटी रामाराव, जय ललिता, कमल हसन, पवन कल्याण, रजनीकांत अशा अनेक अभिनेत्यांनी राजकारणात एंट्री घेत यश मिळवलंय. 

इतर महत्वाच्या बातम्या