Actress Sowmya Janu : दाक्षिणात्य अभिनेत्रीने भररस्त्यात राडा केला. या अभिनेत्रीने ट्राफिक होमगार्डचे कपडे फाडत त्याला मारहाण केली. याचा व्हिडीओ व्हायरल झाला आहे. पोलिसांनी अभिनेत्रीविरोधात गुन्हा दाखल केला आहे. अभिनेत्रीने भररस्त्यात घातलेल्या या गोंधळामुळे मोठी वाहतूक कोंडी झाली होती.
तेलगू अभिनेत्री सौम्या जानूचा (Actress Sowmya Janu) एक व्हिडिओ सोशल मीडियावर व्हायरल होत आहे. ड्युटीवर असलेल्या ट्रॅफिक होमगार्डला तिने मारहाण केल्याचा आरोप आहे. संपूर्ण घटना कॅमेऱ्यात कैद झाली आहे. हैदराबादच्या बंजारा हिल्स भागातील ही घटना आहे.
वृत्तसंस्थांनी दिलेल्या वृत्तानुसार, ही घटना रविवारी 25 फेब्रुवारी रोजी घडली. बंजारा हिल्समध्ये चुकीच्या मार्गाने आपली जग्वार कार चालवत असलेल्या अभिनेत्री सौम्याला ट्रॅफिक होमगार्डने अडवले. व्हिडिओवरील टाइमस्टॅम्पनुसार, शनिवारी, 24 फेब्रुवारी रोजी रात्री 8:24 च्या सुमारास हा गोंधळ झाला. ट्राफिक होमगार्डला सहकार्य करण्याऐवजी, सौम्या जानू संतप्त झाली आणि तिला अडवल्याबद्दल गार्डला शिवीगाळ केली असल्याचा आरोप आहे.
सौम्याने गार्डचे कपडे फाडले...
प्रत्यक्षदर्शींनी सांगितले की, इतरांनी मध्यस्थी करूनही अभिनेत्री संतापलेलीच होती. रस्त्यावर आरडाओरड सुरू होता. ट्राफिक होमगार्डने तिने हल्ला केला. त्याचा युनिफॉर्मही फाडला. या घटनेचा व्हिडीओ तयार करणाऱ्या लोकांवर तिने हल्ल्याचा प्रयत्न केला.
पोलिसांत तक्रार
या घटनेनंतर ट्राफिक होमगार्डने बंजारा हिल्स पोलीस ठाण्यात तक्रार केली. पुरावा म्हणून त्याने पोलिसांमध्ये व्हिडीओदेखील सोपवले. पोलिसांनी गुन्हा नोंदवून तपास सुरू केला आहे.