Vanita Kharat: प्रसिद्ध अभिनेत्री वनिता खरात (vanita kharat) ही कधी न्यूड फोटोशूटमुळे तर कधी तिच्या चित्रपट आणि कार्यक्रमांमुळे चर्चेत असते. छोट्या पडद्यावरील 'महाराष्ट्राची हास्यजत्रा' (Maharashtrachi Hasyajatra) या कार्यक्रमामुळे वनिता खरातला विशेष लोकप्रियता मिळाली. वनिता ही तिच्या विनोदी अंदाजानं प्रेक्षकांची मनं जिंकते. वनिता ही 2 फेब्रुवारी 2023 रोजी बॉयफ्रेंड सुमित लोंढेसोबत (Sumit Londhe) लग्नगाठ बांधणार आहे. वनितानं नुकतेच तिच्या प्री-वेडिंग फोटोशूटचे फोटो सोशल मीडियवर शेअर केले आहेत. या फोटोंनी नेटकऱ्यांचे लक्ष वेधले आहे.
वनितानं शेअर केलेल्या प्री-वेडिंग फोटोमध्ये ती पिच कलरची साडी, व्हाईट ब्लाऊज आणि ऑक्साइडची ज्वेलरी अशा लूकमध्ये दिसत आहे. तर सुमित हा व्हाईट शर्ट आणि ब्लॅक पँट अशा लूकमध्ये दिसत आहे. वनितानं शेअर केलेल्या फोटोला कॅप्शन दिलं, 'कवेत तुझ्या शीण सारे सरावे, निसटूनी स्वतःतून, तुझ्यात उरावे.'
वनितानं तिच्या प्री-वेडिंग फोटोशूटमधील आणखी एक फोटो शेअर केला आहे. या फोटोला तिनं कॅप्शन दिलं, 'गुपित मौनांचे नजरेस कळावे, ओठांचे मग चुंबन व्हावे' वनिता आणि सुमित यांच्या या फोटोंना नेटकऱ्यांची पसंती मिळत आहेत. अनेकांनी या फोटोला लाइक केलं आहे. तर काहींनी या फोटोला कमेंट्स करुन वनिता आणि सुमित यांना शुभेच्छा दिल्या आहेत.
पाहा फोटो
वनिताचा बॉयफ्रेंड सुमित लोंढे हा एक उत्कृष्ट फोटोग्राफर आहे. तसेच तो व्हिडीओ क्रिएटर असण्यासोबत ब्लॉगरदेखील आहे. तर वनिता ही विविध कार्यक्रम आणि चित्रपटांमधून प्रेक्षकांच्या भेटीस येत आहे. वनिताचा सरला एक कोटी हा चित्रपट 20 जानेवारी या दिवशी प्रेक्षकांच्या भेटीस आला. या चित्रपटात तिनं गुड्डी ही भूमिका साकारली आहे. या चित्रपटात वनितासोबतच ईशा केसकर, ओंकार भोजने, छाया कदम, कमलाकर सातपुते यांनी देखील प्रमुख भूमिका साकरली आहे.
वाचा इतर महत्वाच्या बातम्या:
Vanita Kharat : लगीनघाई! 'महाराष्ट्राची हास्यजत्रा' फेम वनिता खरात 'या' दिवशी अडकणार लग्नबंधनात