Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या मालिकेमध्ये वेगवेगळे ट्वीस्ट येत असतात. या मालिकेमधील मोनिका ही भूमिका साकरणारी प्रिया मराठे (Priya Marathe) ही सोशल मीडियावर वेगवेगळ्या पोस्ट शेअर करत असते. प्रियानं मदर्स-डेच्या निमित्तानं एक खास व्हिडीओ शेअर केला आहे. या व्हिडीओमध्ये मोनिका आणि पिहू या दिसत आहेत. या व्हिडीओला काही नेटकऱ्यांनी कमेंट्स केल्या आहेत.
प्रिया मराठेनं शेअर केलेल्या व्हिडीओमध्ये मोनिका आणि पिहू यांच्यामध्ये संवाद होताना दिसत आहे. या व्हिडीओमध्ये दिसत आहे की, मोनिका पिहूला जवळ घेते. प्रियानं या व्हिडीओला कॅप्शन दिलं, 'आपली आई कायम आपल्या सोबत असते...' प्रियानं शेअर केलेल्या या व्हिडीओला नेटकऱ्यांनी कमेंट्स केल्या आहेत.
प्रियानं शेअर केलेल्या व्हिडीओला एका नेटकऱ्यानं कमेंट केली, 'मोनिका सारखी आई असेल तर झालंच कल्याण' तर दुसऱ्या युझरनं 'always love both of you' अशी कमेंट मोनिका आणि पिहूसाठी केली आहे.
पाहा व्हिडीओ:
'तुझेच मी गीत गात आहे’ (Tuzech Mi Geet Gaat Aahe) या मालिकेत मोनिका ही स्वराज उर्फ स्वराच्या विरोधात कट रचत असते. स्वरा ही मल्हार कामतच्या पहिल्या पत्नीची म्हणजेच वैदेहीची मुलगी असते आणि पिहू ही मल्हार कामतच्या दुसऱ्या पत्नीची म्हणजेच मोनिकाची मुलगी असते.
'तुझेच मी गीत गात आहे’ या मालिकेत (Tuzech Mi Geet Gaat Aahe) मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते. या मालिकेतील मंजुळा ही भूमिका देखील ऊर्मिला कानेटकर साकारते. 'तुझेच मी गीत गात आहे’ या मालिकेच्या आगामी एपिसोडची प्रेक्षक उत्सुकतेने वाट बघत आहेत. या मालिकेमधील कलाकारांच्या अभिनयाला प्रेक्षकांची पसंती मिळाली आहे.
इतर महत्वाच्या बातम्या: