Tujhech Mi Geet Gaat Aahe :  ‘तुझेच मी गीत गात आहे’ (Tujhech Mi Geet Gaat Aahe) या मालिकेत  अनेक ट्वीस्ट येत असतात. मल्हार आणि मोनिका यांच्या घरात मंजुळा सध्या राहात आहे. आता मल्हारच्या घरी मंजुळाची आई येणार आहे. अभिनेत्री उषा नाईक या मंजुळाच्या आईची भूमिका साकारत आहेत. नुकताच ‘तुझेच मी गीत गात आहे’ या मालिकेचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, मंजुळाची आई ही मल्हारच्या घरी आली आहे आणि ती मोनिकासोबत बोलत आहे. 


 ‘तुझेच मी गीत गात आहे’ या मालिकेच्या प्रोमोमध्ये दिसत आहे की, मंजुळाची आई ही मल्हारचं घर बघून आश्चर्यचकित होते. ती म्हणते, हा बंगला आहे की राजवाडा. ' त्यानंतर मंजुळाची आई मल्हारच्या घरात जाते, तेवढ्यात मोनिका तिला आडवते. मोनिका मंजुळाच्या आईची चौकशी करत असते, तितक्यात मंजुळा तिथे येते आणि मोनिकाला सांगते की, मी यांना बोलवलं आहे.  आता मंजुळाच्या आईची मालिकेत एन्ट्री झाल्यानंतर या मालिकेत कोणते ट्वीस्ट येणार आहेत? याकडे प्रेक्षकांचे लक्ष लागले आहे. 






‘तुझेच मी गीत गात आहे’ ही मालिका काही दिवसांपूर्वी प्रिया मराठेनं सोडली. आता या मालिकेत तेजस्विनी लोणारी ही मोनिका ही भूमिका साकारत आहे. 






तुझेच मी गीत गात आहे मालिकेची स्टार कास्ट


तुझेच मी गीत गात आहे  (Tujhech Mi Geet Gaat Aahe)  या मालिकेत मल्हार कामत ही भूमिका अभिनेता अभिजीत खांडकेकर हा साकारतो. तर स्वरा उर्फ स्वराज ही भूमिका अवनी तायवाडे ही साकारते. स्वराची आई म्हणजेच वैदेही मल्हार कामत ही भूमिका अभिनेत्री उर्मिला  कानेटकरनं साकरली होती. सध्या उर्मिला  ही या मालिकेत मंजुळा ही भूमिका साकारत आहे.


इतर महत्वाच्या बातम्या: 


Tuzech Mi Geet Gaat Aahe: प्रिया मराठेनं सोडली 'तुझेच मी गीत गात आहे' मालिका; आता 'ही' अभिनेत्री साकारणार मोनिकाची भूमिका