प्रेक्षकांच्या मनोरंजनासाठी लवकरच येणार धमाकेदार कुकरी शो, 'संकर्षण कऱ्हाडे' सूत्रसंचालकाच्या भूमिकेत

एबीपी माझा वेबटीम Updated at: 23 Nov 2021 10:12 PM (IST)

Edited By: मंजिरी पोखरकर

आता प्रेक्षकांच्या मनोरंजनाची चव वाढणार आहे. लवकरच एक कुकरी शो सुरू होणार आहे.

Feature_Photo_7

Kitchen Kallakar : 'किचन कल्लाकार' हा नवीन कुकरी शो प्रेक्षकांच्या भेटीस येणार आहे. या कार्यक्रमाचा टिझरदेखील प्रदर्शित करण्यात आला आहे. या टीझरमध्ये संकर्षण कऱ्हाडे सूत्रसंचालकाच्या भूमिकेत दिसतो आहे. 'किचन कल्लाकार' या कार्यक्रमाचा टीझर प्रदर्शित झाल्यापासून प्रेक्षकांमध्ये उत्सुकतेचे पाहायला मिळत आहे.

'किचन कल्लाकार' कार्यक्रमाच्या टीझरमध्ये संकर्षण कऱ्हाडे म्हणतो आहे,"आता भल्या भल्या कलाकारांची शिट्टी वाजणार आणि मनोरंजनाची चव वाढणार". त्यामुळे आता पडद्यावरील आणि पडद्यामागील कलाकारांचा या किचन मध्ये कस लागणार आहे. आता कलाकार मंडळी किचन मध्ये कसा कल्ला करणार हे पाहणं औत्सुक्याच ठरणार आहे.

कुकींगशी संबंधीत आगळावेगळा शो बघण्यासाठी प्रेक्षक उत्सुक आहेत. या कुकरी शोची रचना काय आहे, संकर्षण सोबत अजून या कार्यक्रमात नक्की कोण कोण असणार आहे, ते अद्याप गुलदस्त्यात आहे. संकर्षणला या कार्यक्रमाच्या सूत्रसंचालकाच्या भूमिकेत पाहण्यासाठी सर्वजण उत्सुक आहेत.

संकर्षण कऱ्हाडेचे अष्टपैलू व्यक्तिमत्व आहे. आतापर्यंत अभिनेता, कवी, लेखक अशा अनेक भूमिका निभावताना तो दिसला आहे. पण आता संकर्षण सूत्रसंचालकाच्या भूमिकेत दिसणार आहे.

संबंधित बातम्या