Indian Idol Marathi : 'इंडियन आयडॉल मराठी'च्या पहिल्या सीजनचे 'हे' आहेत टॉप पाच स्पर्धक

Indian Idol Marathi : 'इंडियन आयडॉल मराठी' या कार्यक्रमातील प्रत्येक स्पर्धकाने प्रेक्षकांच्या मनात एक वेगळं स्थान निर्माण केलं आहे.

Indian Idol Marathi : 'इंडियन आयडॉल मराठी' (Indian Idol Marathi) या कार्यक्रमातील प्रत्येक स्पर्धकाने प्रेक्षकांच्या मनात एक वेगळं स्थान निर्माण केलं आहे. 'इंडियन आयडॉल मराठी'च्या पहिल्या सीजनचे टॉप पाच स्पर्धक कोण असणार याकडे प्रेक्षकांचे लक्ष लागले होते. आता या टॉप पाच स्पर्धकांची यादी जाहीर झाली आहे.

जगदिश चव्हान, भाग्यश्री टिकले, प्रतिक सोळसे, श्र्वेता दांडेकर आणि सागर म्हात्रे हे 'इंडियन आयडॉल मराठी'च्या पहिल्या सीजनचे टॉप पाच स्पर्धक आहेत. टॉप पाचमध्ये पहिला स्पर्धक होण्याचा मान जगदिश चव्हानला मिळाला आहे. 

अभिमान देशाचा, आवाज महाराष्ट्राचा अशी 'इंडियन आयडॉल मराठी' या कार्यक्रमाची टॅगलाईन आहे. आता टॉप पाच स्पर्धकांमधून विजेता किंवा विजेती कोण होणार याकडे प्रेक्षकांचे लक्ष लागले आहे.

'इंडियन आयडल मराठी' हा कार्यक्रम छोट्या पडद्यावर सुरू झाला असून सोशल मीडियावरदेखील या कार्यक्रमाची प्रचंड चर्चा होत आहे. प्रेक्षकांनी या कार्यक्रमाला अल्पावधीतच आपलंस केलं आहे. इंडियन आयडल हा कार्यक्रम पहिल्यांदाच प्रादेशिक भाषेत होतो आहे. या कार्यक्रमाचे परीक्षक अजय-अतुल  असल्याने कार्यक्रमाची रंगत  वाढते आहे. सर्वोत्तम 14 स्पर्धकांमधून महाराष्ट्राला 'इंडियन आयडल मराठी'चा पहिला विजेता/विजेती मिळणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha