Tejas Barve : 'बॉस माझी लाडाची' (Boss Mazi Ladachi) ही मालिका प्रेक्षकांच्या पसंतीस उतरत आहे. आता या मालिकेत 'मिसेस मुख्यमंत्री' मालिकेतील पायलट म्हणजेच अभिनेता तेजस बर्वेची (Tejas Barve) एन्ट्री होणार आहे.
'मिसेस मुख्यमंत्री' ही मालिका आणि या मालिकेतील तेजस बर्वेची भूमिका प्रचंड गाजली होती. या मालिकेच्या माध्यमातून तेजस घराघरांत पोहोचला. आता तेजस नव्या भूमिकेच्या माध्यमातून प्रेक्षकांच्या भेटीला येणार आहे. 'बॉस माझी लाडाची' या मालिकेच्या नुकत्याच समोर आलेल्या प्रोमोमध्ये तेजस बॉसच्या ऑफिसमध्ये एन्ट्री करत आहे.
'बॉस माझी लाडाची' या मालिकेत तेजस नक्की कोणती भूमिका साकारणार हे अद्याप समोर आलेले नाही. नुकत्याच समोर आलेल्या प्रोमोमध्ये तेजस ऑफिसमधील कर्मचाऱ्यांना बॉस कसा असावा हे समजावून सांगताना दिसत आहे. तेजसच्या एन्ट्रीमुळे मालिकेला रंजक वळण येणार आहे.
अभिनेत्री भाग्यश्री लिमये (Bhagyashree Limaye) आणि अभिनेता आयुष संजीव (Aayush Sanjeev) या मालिकेत मुख्य भूमिकेत आहे. भाग्यश्रीने याआधी 'घाडगे अँड सून' या मालिकेत अमृता प्रभुणे ही व्यक्तिरेखा साकारली होती. तिच्या या व्यक्तिरेखेचे प्रेक्षकांकडून खूप कौतुक झाले होते. 'बॉस माझी लाडाची' या मालिकेत ती खडूस बॉसच्या भूमिकेत दिसत आहे.
संबंधित बातम्या