Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही छोट्या पडद्यावरची लोकप्रिय मालिका आहे. सध्या ही मालिका लोकप्रियतेच्या शिखरावर आहे. नुकताच या मालिकेचा विशेष भाग पार पडला. या भागात अविनाशचं सत्य नेहासमोर आलं. मालिकेत अविनाश सध्या कॅन्सर झाल्याचं नाटक करत आहे.
परीचा ड्रायव्हर म्हणून अविनाशची 'माझी तुझी रेशीमगाठ' मालिकेत एन्ट्री झाली आहे. पण अविनाश नेहाचा पहिला नवरा असल्याचे सत्य नेहाने अद्याप कोणाला सांगितलेलं नाही. आता अविनाश कॅन्सर झाल्याचं खोटं नाटक करत नेहाच्या आयुष्यात जागा मिळवण्याचा प्रयत्न करत आहे. त्यामुळे आता अविनाशचं नाटक नेहा सहन करू शकेल का, असा प्रश्न प्रेक्षकांना पडला आहे.
अविनाशचे नाटकं नेहा सहन करू शकेल?
परी अविनाशसोबत बोलू नये यासाठी नेहा प्रयत्न करत आहे. पण अविनाशच्या न बोलण्याचा परीला मात्र त्रास होत आहे. आता नेहाने परीचा ड्रायव्हर बदलण्याचा सल्ला यशला दिला आहे. त्यामुळे यश आता अविनाशची बदली करणार आहे. अविनाशला नेहाने परीसोबत न बोलण्याचा सल्ला दिला आहे. हे परीला समजल्याने परीदेखील नेहावर चिडली आहे.
नेहा यशच्या सुखी संसारात नेहाच्या पहिल्या नवऱ्याची एन्ट्री
नेहा यशच्या सुखी संसारात नेहाच्या पहिल्या नवऱ्याची एन्ट्री झाल्याने नेहा-यशला पुन्हा एकदा संकटाचा सामना करावा लागत आहे. पहिल्या नवऱ्यामुळे नेहा आणि यशचा संसार फिस्कटणार का? परीला तिचे खरे बाबा कोण हे कळल्यावर तिची काय प्रतिक्रिया असेल अशा अनेक प्रश्नांची उत्तरं प्रेक्षकांना 'माझी तुझी रेशीमगाठ' मालिकेच्या आगामी भागात मिळणार आहेत.
श्रेयस तळपदे (Shreyas Talpade) आणि प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे.
संबंधित बातम्या