Mandar Chandwadkar On Jennifer Mistry Bansiwal: छोट्या पडद्यावरील प्रसिद्ध कॉमेडी शो 'तारक मेहता का उल्टा चष्मा' (Taarak Mehta Ka Ooltah Chashmah) मधील रोशन सिंह सोढी ही भूमिका साकारणारी अभिनेत्री जेनिफर मिस्त्री बंसीवालनं (Jennifer Mistry Bansiwal) असित मोदी आणि मालिकेच्या टीममधील इतर दोन व्यक्तींवर गंभीर आरोप केले आहेत. जेनिफर मिस्त्री बंसीवालनं असित मोदी, ‘तारक मेहता का उल्टा चष्मा’ मालिकेचे प्रोजेक्ट हेड सोहिल रमानी आणि एग्झीक्युटिव्ह प्रोड्यूसर जतिन बजाज यांच्यावर लैंगिक छळाचा (Sexual harassment) आरोप केला आहे. त्यामुळे सध्या जेनिफर मिस्त्री बंसीवाल ही चर्चेत आहेत. आता या प्रकरणावर तारक मेहता का उल्टा चष्मा मालिकेतील आत्माराम भिडे ही भूमिका साकारणारे अभिनेते मंदार चांदवडकर (Mandar Chandwadkar) यांनी प्रतिक्रिया दिली आहे.
एका संकेतस्थळाच्या बातमीनुसार, जेनिफर मिस्त्री बन्सीवालने 'तारक मेहता का उल्टा चष्मा' मालिकेच्या निर्मात्यांवर लावलेल्या लैंगिक शोषणाच्या आरोपांवर मंदार चांदवडकर यांनी आपली प्रतिक्रिया दिली आहे. मंदार म्हणाले, 'तिनं असे का केले? ते मला माहीत नाही. त्यांच्यात काय घडले याची मला कल्पना नाही. पण आमच्या मालिकेच्या सेटवर फ्रेश आणि आनंदी वातावरण असते. तसे नसते तर हा टीव्ही शो एवढा काळ चालू शकला नसता.'
एका रिपोर्टनुसार, जेनिफरने असित मोदीवर केवळ लैंगिक छळाचा आरोप करत गुन्हा दाखल केला आहे. असित मोदींशिवाय जेनिफरने प्रोजेक्ट हेड सोहिल रमाणी आणि कार्यकारी निर्माते जतिन बजाज यांच्यावरही गुन्हा दाखल केला आहे.
‘तारक मेहता का उल्टा चष्मा’ या मालिकेचे प्रोडक्शन हेड सोहिल रमानी यांनी जेनिफर मिस्त्री बंसीवालानं केलेले आरोप फेटाळले आहेत. ते म्हणले, 'ही फक्त पब्लिसिटी आहे. असा छळ होत असेल तर तिनं आधी ऑथोरिटीजकडे जायला पाहिजे होते. आमच्या प्रॉडक्शन हाऊसमध्ये महिलांशी संबंधित सर्व समस्यांसाठी एक समिती आहे आणि ती तिथेही महिला तक्रार करू शकतात. आम्ही सर्व आरोपांना कायदेशीर पद्धतीने उत्तर देऊ. हा केवळ आमची, आमच्या शोची आणि आमच्या प्रॉडक्शन हाऊसची बदनामी करण्याचा डाव आहे.'
इतर महत्त्वाच्या बातम्या: