Sundar Amche Ghar : 'सुंदर आमचे घर' (Sundar Amche Ghar) ही मालिका लवकरच प्रेक्षकांच्या भेटीला येणार आहे. नुकताच या मालिकेचा प्रोमो आऊट झाला आहे. 14 मार्चपासून दररोज रात्री 8 वाजता ही मालिका प्रेक्षकांना सोनी मराठीवर पाहता येणार आहे.
मालिका आणि सासू-सुना हे एक वेगळंच समीकरण आहे. पण या मालिकेतील सासू-सुनांचं नातं वेगळं आहे. 'सासू-सुनेचं प्रेम, जिवलग मैत्रिणींसारखं सेम', असे म्हणत मालिकेचा प्रोमो शेअर करण्यात आला आहे. उषा नाडकर्णी, सुकन्या मोने आणि प्रीती परी तुजवरी फेम संचिता कुलकर्णी या मालिकेत मुख्य भूमिकेत आहेत.
सध्या नवनविन विषयांवरील मालिका प्रेक्षकांच्या भेटीला येत आहेत. या मालिकांना प्रेक्षकांचा उत्तम प्रतिसाद मिळतो आहे. त्यामुळे 'सुंदर आमचे घर' ही मालिका प्रेक्षकांच्या पसंतीस पडेल का हे पाहणे उत्सकतेचे ठरणार आहे.
'ही' मालिका घेणार निरोप
'सुंदर आमचे घर' ही मालिका सुरू होत असल्याने 'अजूनही बरसात आहे' ही मालिका प्रेक्षकांचा निरोप घेणार आहे. या मालिकेत मुक्ता बर्वे आणि उमेश कामत मुख्य भूमिकेत आहेत.
संबंधित बातम्या
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Toolsidas Junior Trailer : संजय दत्तच्या 'तुलसीदास ज्युनियर' सिनेमाचा ट्रेलर आऊट
Gangubai Kathiawadi : इमान..धर्म...धंदा.. रहिमलाला येतोय, अजय देवगणच्या पात्राची पहिली झलक
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha