Alesia Raut Share Post For Siddhaanth Vir Surryavanshi: अभिनेता सिद्धांत वीर सूर्यवंशीचं (Siddhaanth Vir Surryavanshi) निधन झालं आहे. कुसुम (Kkusum), वारिस (Waaris) आणि सूर्यपुत्र कर्ण (Suryaputra Karn) यांसारख्या मालिकांमध्ये सिद्धांतनं काम केलं होतं. जीममध्ये वर्कआऊट करताना सिद्धांतला हृदयविकाराचा झटका आला. सिद्धांत वीर सूर्यवंशीच्या निधनानंतर त्याची पत्नी एलेसिया राऊतनं (Alesia Raut) नुकतीच एक भावनिक पोस्ट शेअर केली आहे.
एलेसिया राऊतची पोस्ट
एलेसियानं पोस्टमध्ये सिद्धांतसोबतचा एक फोटो शेअर केला. हा फोटो शेअर करुन तिनं कॅप्शनमध्ये लिहिलं, 'मी तुझ्यावर खूप प्रेम करते. जोपर्यंत मी जिवंत आहे तोपर्यंत मी तुझ्यावर प्रेम करेल. हा आपला पहिला फोटो 24 फेब्रुवारी 2017 रोजी तुच हा फोटो काढला होता. तेव्हापासून तू मला नेहमी आनंदी राहायला सांगत होतास. नेहमी जीवनाचा आनंद घे, असंही तू मला सांगितलं.'
'तू नेहमी मला वेळेवर खाण्याची आठवण करून देत होतास. न घाबरता माझा हात धरणारा आणि सदैव माझ्या पाठीशी उभा राहायला तयार असणारा तू एकमेव माणूस होतास. तू आनंदी आणि शांत ठिकाणी गेला आहेस. तू मला प्रेमाचा खरा अर्थ सांगितला. म्हणून मी तुझ्यावर प्रेम करते आणि नेहमी करत राहीन.' असंही एलेसियानं पोस्टमध्ये लिहिलं.
सिद्धांतनं 2000 मध्ये ईरा सूर्यवंशीसोबत लग्न केले पण त्यांचा 2015 मध्ये घटस्फोट झाला. त्यानंतर 2017 मध्ये मॉडेल आणि फॅशन कोरिओग्राफर आलीसिया राऊतसोबत लग्नगाठ बांधली.
वाचा इतर महत्वाच्या बातम्या: