Shiva Zee Marathi Serial : टीआरपीमध्ये पुन्हा एकदा वर येण्यासाठी झी मराठीकडून (Zee Marathi) नव्या मालिकांचा ओघ सुरु झालाय. काही दिवसांपूर्वी झी मराठीवर शिवा (Shiva) आणि पारु (Paru) या दोन मालिका सुरु झाल्या. पण मालिकेच्या सुरुवातीलाच दाखवलेल्या दृष्यांमुळे या मालिका चांगल्याच चर्चेत आल्या आहेत. सध्या शिवा या मालिकेत प्रेमाचे वारे वाहू लागले असून आशुतोषला त्याची स्वप्नसुंदरी भेटणार का हे स्पष्ट होणार आहे.
मालिकेचा नवा प्रोमो सध्या प्रदर्शित करण्यात आला आहे. या आधीच्या भागामध्ये आशुतोष दिव्याला भेटायला जातो पण तेव्हा त्याची भेट शिवासोबत होते. त्यावेळी शिवा आणि आशुतोषची चांगली मैत्री देखील झाल्याचं पाहायला मिळतं. पण आता आशुतोषची भेट दिव्याशी होणार का हे आजच्या भागामध्ये समजणार आहे.
मालिकेचा नवा प्रोमो प्रदर्शित
मालिकेचा नवा प्रमो प्रदर्शित करण्यात आला आहे. यामध्ये दिव्या आईला बाहेर जाणार असल्याचं सांगते. त्यावेळी आई दिव्याला शिवाला सोबत घेऊन जाण्यास सांगते. शिवा दिव्यासोबत जाते पण तू सोबत आलीस तर पुन्हा माझा अपमान होईल, असं म्हणत दिव्या शिवाच्या गाडीवरुन उतरते आणि ती निघून जाते. दिव्या मार्केटच्या ठिकाणी पोहचल्यानंतर काही गुंड तिची छेड काढतात. त्यावेळी दिव्या त्या गुंडांच्या कानशिलात लगावते. त्याचवेळी आशुतोषला एक कानतलं सापडतं, जे दिव्याचं असतं. तेव्हा तो तिला शोधत जातो, तेव्हा दिव्या गुंडांशी दोन हात करताना त्याला दिसते. त्याचवेळी आशुतोष गुरुजींना त्याला सांगितलेली भविष्यवाणी आठवते. आशुतोषला गुरुजींनी सांगितलं असतं की, तुझ्या आयुष्यात दुर्गा येणार आहे.
त्यामुळे आता हे कानतलं देण्याच्या निमित्ताने आशुतोष आणि दिव्याची भेट होणार का? आशुतोषच्या आयुष्यातली दुर्गा हीच असणार की दुसरी व्यक्ती दुर्गा म्हणून आशुतोषच्या आयुष्यात येणार असे अनेक प्रश्न सध्या प्रेक्षकांना पडले आहेत. प्रेक्षकांच्या या प्रश्नांची उत्तरं येत्या काही काळामध्ये मिळतीलच. पण आता आशुतोषच्या मनात असलेली स्वप्नसुंदरी त्याला भेटणार की त्याला आणखी वाट पाहावी लागणार आता कळणार आहे.