Sakshi Tanwar : छोट्या पडद्यावरील प्रसिद्ध अभिनेत्री साक्षी तंवर (Sakshi Tanwar) अनेक मालिकांमधून प्रेक्षकांच्या भेटीस आली.  'कहानी घर-घर की' (Kahaani Ghar Ghar Kii) तसेच 'बडे अच्छे लगते हैं' (Bade Achhe Lagte Hain) या मालिकेमधील साक्षीच्या अभिनयाला प्रेक्षकांची पसंती मिळाली. डेली सोपमधील कामामुळे वेगळी ओळख निर्माण होते, असे मतं साक्षीचे आहे. अनेक चित्रपटांमध्ये देखील साक्षीनं काम केलं आहे. एका मालिकेबद्दल साक्षीनं मुलाखतीमध्ये सांगितलं होतं. 


फेमिनाला दिलेल्या मुलाखतीमध्ये साक्षीनं सांगितलं,  'मालिकेमध्ये काम केल्यानंतर तुमचं पॉलिशिंग होत. मालिका तुमचं काम रोज पॉलिश करते. पण मालिकेमध्ये काम करताना मी हे शिकले की काम आणि वैयक्तिक आयुष्य यामध्ये बॅलेन्स असणं खूप गरजेचं आहे. माझ्यासाठी काम हेच सर्व काही होतं. जेव्हा मी कहानी घर-घर की या चित्रपटाचे शूटिंग करत होते तेव्हा मी आठ वर्ष काहीच केलं नाही फक्त त्या मालिकेमध्ये काम केलं. मी कोणत्याही लग्नसोहळ्यात गेले नाही. कारण माझ्याकडे तेवढा वेळ नव्हता.    '


पुढे साक्षी म्हणाली, 'मला आता असे वाटते की, त्या वेळी मला काम करणं महत्वाचं होतं पण काम करणं हा आयुष्याचा एक भाग असतो. आता मी माझ्या आयुष्यात असे काम करते जे करताना मी आरामात बसू शकेल. जे काम करताना मी माझ्या कुटुंब आणि मुलीसोबत वेळ घालवू शकते. मला माझ्या मुलीसोबत वेळ घालवायचा आहे. मला तिच्या शाळेत जायचं आहे. मला वाटतं कोरोनाच्या काळात अनेक गोष्टी आपण शिकायला मिळाल्या.'


काही दिवसांपूर्वी साक्षी तंवरची  नेटफ्लिक्स 'माई' ही सीरिज रिलीज झाली. या सीरिजमधील साक्षीच्या अभिनयाला प्रेक्षकांची पसंती मिळाली. 2016 मध्ये रिलीज झालेल्या दंगल या चित्रपटामध्ये देखील साक्षीनं प्रमुख  महत्त्वाची साकारली. या चित्रपटामध्ये आमिर खाननं प्रमुख भूमिका साकारली होती. या चित्रपटामधील साक्षी आणि आमिरच्या जोडीला प्रेक्षकांची पसंती मिळाली.  2018 साक्षीनं एका मुलीला दत्तक घेतलं.


हेही वाचा :