Rutuja Bagwe : नाटक आणि मराठी मालिकांमधून प्रेक्षकांच्या भेटीस येणार अभिनेत्री ऋतुजा बागवे (Rutuja Bagwe) सोशल मीडियावर अॅक्टिव्ह असते. वेगवेगळ्या विषयांवरील पोस्ट ऋतुजा सोशल मीडियावर शेअर करते. नुकतीच ऋतुजानं एका खास पोस्ट सोशल मीडियावर शेअर केली. या पोस्टमध्ये ऋतुजानं तिनं घेतलेल्या पहिल्या घराची माहिती चाहत्यांना दिली. 


ऋतुजाची पोस्ट 
ऋतुजानं तिच्या नव्या घरातील फोटो शेअर करुन कॅप्शनमध्ये लिहिलं, 'स्वतः चं घर, हॅप्पी बर्थ-डे टू मी,  जेव्हा लोक विचारतायत की वय झालंय लग्न कधी करणार तेव्हा माझी आई म्हणाली वय झालं म्हणून नाही तुला जेव्हा करावास वाटेल तेव्हा लग्न कर पण त्या आधि independent हो स्वतःचं घर घे आई थँक्यू हे स्वप्न तू दाखवलस. बाबा तुमच्या शिवाय हे शक्य झालं नसतं आईने स्वप्न दाखवल पण तुम्ही पाठीशी होतात म्हणून घेतली उडी. बापमाणूस. '






पुढे ऋतुजानं पोस्टमध्ये लिहिलं, 'भौतिक गोष्टीमध्ये मी  यश नाही मानात ना समाधान शोधत पण तूमचं स्वप्न पूर्ण करु शकले  याचा आनंद खुप आहे जो मी शब्दात नाही मांडू शकत. तुमच्या  चेहऱ्यावरील आनंद आणि अभिमानाने पाणावलेले डोळे मला अजुन काम करण्याची ताकद देतात. '


ऋतुजाच्या पोस्टला कलाकारांनी केल्या कमेंट्स:


सुबोध भावे, प्रसाद ओक,भाग्यश्री लिमये,प्राजक्ता माळी, श्रुती मराठे या कलाकारांनी ऋतुजाच्या पोस्टला कमेंट करुन तिला शुभेच्छा दिल्या आहेत. 


ऋतुजानं अनेक मालिका, नाटक आणि चित्रपटांमध्ये काम केलं. आहे. तिनं ‘शहीद भाई कोतवाल’ या मराठी चित्रपटातून तिने मोठ्या पडद्यावर पदार्पण केले. एका लग्नाची तिसरी गोष्ट, नांदा सौख्य भरे, चंद्र आहे साक्षीला या मालिकांमध्ये ऋतुजानं प्रमुख भूमिका साकारली. तिच्या अनन्या या नाटकाला प्रेक्षकांची विशेष पसंती मिळाली. 


वाचा इतर महत्त्वाच्या बातम्या : 


Celebrity Diary : ऋतुजा बागवेला करायचंय उमेश कामतसोबत काम; जाणून घ्या तिला कोणता रिअॅलिटी शो करायला आवडेल?