Rashmika Mandanna: दाक्षिणात्य चित्रपटसृष्टीतील प्रसिद्ध अभिनेत्री रश्मिका मंदाना (Rashmika Mandanna) लवकरच बॉलिवूडमध्ये पदार्पण करणार आहे. पुष्पा या चित्रपटामुळे रश्मिकाला विशेष लोकप्रियता मिळाली. तिचा गुडबाय (Goodbye) हा चित्रपट लवकरच प्रेक्षकांच्या भेटीस येणार आहे. या चित्रपटात रश्मिकासोबतच अभिनेते अमिताभ बच्चन आणि अभिनेत्री नीना गुप्ता हे देखील प्रमुख भूमिका साकारणार आहेत. सध्या या चित्रपटाची टीम चित्रपटाचे प्रमोशन करत आहे. नुकतीच रश्मिकानं प्रमोशनसाठी 'DID सुपर मॉम्स' (DID Super Moms) या स्पर्धेमध्ये हजेरी लावली. या शोमध्ये रश्मिकानं अभिनेता गोविंदासोबत (Govinda) सामी सामी या गाण्यावर डान्स केला.
पाहा व्हिडीओ:
समी सामी गाण्यासोबत रश्मिकानं कोरिओग्राफर रेमो डिसूचासोबत श्रीवल्ली या गाण्याची हुक स्टेप केली. यावेळी नीना गुप्ता आणि उर्मिला कानेटकर हे रश्मिकाच्या डान्स पाहून आनंदीत झालेले दिसत आहेत.
पाहा व्हिडीओ:
गुडबाय हा चित्रपट सात ऑक्टोबर रोजी रिलीज होणार आहे. रश्मिका या चित्रपटात अमिताभ बच्चन यांच्या मुलीची भूमिका साकारणार आहे, असं म्हटलं जात आहे. या बाप-लेकीच्या जोडीला पाहण्यासाठी प्रेक्षक उत्सुक आहेत. ‘गुडबाय’ चित्रपटाचे शूटिंग गेल्या वर्षी सुरू झाले होते. काही महिन्यांपूर्वी अमिताभ बच्चन यांचे सेटवरील पाळीव प्राण्यांसोबत खेळतानाचे फोटो व्हायरल झाले होते. या चित्रपटात अमिताभ बच्चन आणि रश्मिका मंदना यांच्याशिवाय नीना गुप्ता, एली अविराम, सुनील ग्रोवर, साहिल मेहता आणि पावेल गुलाटी यांच्याही महत्त्वपूर्ण भूमिका आहेत.
वाचा इतर महत्त्वाच्या बातम्या :
Goodbye Movie : मजेशीर पद्धतीनं बिग बींनी केलं 'गुडबाय'चं प्रमोशन; रश्मिका म्हणाली, 'पापा...'