Reshma Shinde: छोट्या पडद्यावरील 'रंग माझा वेगळा' (Rang Maza Vegla) या मालिकेमुळे अभिनेत्री रेश्मा शिंदेला (Reshma Shinde) विशेष लोकप्रियता मिळाली. रेश्मानं या मालिकेत दीपा ही भूमिका साकारली. सध्या रेश्मा ही एका व्हिडीओमुळे चर्चेत आहे. रेश्मानं नुकताच तिचा एक व्हिडीओ सोशल मीडियावर शेअर केला आहे. या व्हिडीओला कमेंट करुन अनेकांनी रेश्माला ट्रोल केलं आहे.
रेश्मा शिंदेनं सोशल मीडियावर शेअर केलेल्या व्हिडीओमध्ये ती 'वदनी कवळ घेता' हा श्लोक म्हणताना दिसत आहे. या व्हिडीओला तिनं कॅप्शन दिलं, 'आपल्या बिझी शेड्युलमध्ये आपल सतत बाहेरच खाण होतं. मग तुम्हाला कधी अस वाटतं? आत्ता छान घरचं जेवण हवंय. वाटतं ना? मग पुणेकरांचा हा प्रश्न सुटलाय. अगदी घराच्या जेवणाची आठवण करु देणारं 'वदनी कवळ ' हे रेस्टॉरंट पुणेकरांच्या सेवेसाठी सज्ज आहे. सात्विक भोजनाचा आनंद घ्यायचा असेल तर नक्की भेट द्या. मी या भोजनाचा आस्वाद घेतलाय तुम्ही सुध्दा ध्या.. तुम्ही निराश होणार नाही याची खात्री आहे..' रेश्मानं शेअर केलेल्या या व्हिडीओला कमेंट करुन अनेकांनी तिला ट्रोल केलं आहे.
नेटकऱ्यांच्या कमेंट्स
रेश्मानं शेअर केलेल्या या व्हिडीओला एका नेटकऱ्यानं कमेंट केली, 'अन्न हे पूर्णब्रम्ह आहे ना मग इतके किंचाळत का प्रार्थना करताय? जरा आदर ठेवा त्या पूर्णब्रम्हाबद्दल. इतकी ओव्हर अॅक्टिंग करू नका.' तर दुसऱ्या युझरनं कमेंट केली, "एवढं किंचाळण्यापेक्षा न म्हटलेलं बरं."
'वदनी कवळ ' हे रेस्टॉरंट अभिनेत्री अनघा अतुलचं आहे. अनघा अतुल ही भगरे गुरुजी यांची मुलगी आहे. अनघाच्या या नव्या रेस्टॉरंटचे फोटो आणि व्हिडीओ सोशल मीडियावर व्हायरल झाले आहेत.
रेश्मा शिंदेसोबतच रंग माझा वेगळा या मालिकेत हर्षदा खानविलकर,आशुतोष गोखले हे कलाकार देखील महत्वाची भूमिका साकारतात. या मालिकेतील कलाकारांच्या अभिनयाला आणि मालिकेच्या कथानकाला प्रेक्षकांची पसंती मिळाली.
इतर महत्वाच्या बातम्या:
Sundari : 'सुंदरी' सांभाळणार देशसेवा अन् आईपणाची जबाबदारी; मालिकेच्या नव्या पर्वाला सुरुवात