Rama Raghav : 'रमा राघव' (Rama Raghav) ही छोट्या पडद्यावरील लोकप्रिय मालिका आहे. गेल्या काही दिवसांपासून ही मालिका प्रेक्षकांचं चांगलच मनोरंजन करत आहे. आता ही मालिका उत्कंठावर्ध वळणावर आली आहे. आज या मालिकेचा विशेष भाग रंगणार आहे. या विशेष भागाची मालिकाप्रेमींना उत्सुकता आहे.
‘रमा राघव’ ही लोकप्रिय मालिका उत्कंठावर्धक टप्प्यावर असून या मालिकेचा निर्णायक महारविवार 19 नोव्हेंबरला दुपारी 12 आणि संध्याकाळी 6 वाजता प्रसारित होणार आहे. मालिकेच्या कथानकाला पूर्णपणे कलाटणी देणाऱ्या या भागाची विशेष चर्चा सध्या सोशल मिडियावर सुरू आहे.
'रमा राघव' मालिकेचा आज निर्णायक महारविवार
राघवच्या सहवासात पूर्णपणे बदलेल्या रमाला लवकरात लवकर पुरोहितांची सून व्हायचे आहे. तिला राघवचा त्याच्या घरच्यांचा विरह सहन होत नाही आहे, त्यामुळे राघवच्या वडिलांनी राघवला घातलेल्या बंधनातून मार्ग काढून, वेषांतर करून, पुरोहित घरात राहून, दिवाळीचा उत्साह संपूर्ण कुटुंबात कायम राहील याची काळजी घेतली.
अप्रत्यक्षपणे रमाची ही पहिली दिवाळी मोठ्या धुमधडाक्यात साजरी झाली मात्र हेच रमाचे वेषांतर तिच्या विरोधात जाईल का ? जन्मदात्या आईच्या सगळ्या कुटिल कारस्थानांना पुरून उरलेल्या आणि वडिलांचा ठाम पाठिंबा मिळालेल्या रमाच्या आयुष्यात हे वेषांतर काय वादळ आणणार आणि हे कथानक पुढे कसे जाणार या प्रश्नांची उत्तरे या महारविवारमध्ये मिळणार असून त्यामुळेच या भागाची प्रेक्षकांना विशेष उत्सुकता आहे.
'रमा राघव'चे लग्न लवकरात लवकर व्हावे ही तमाम प्रेक्षकांची इच्छा हा भाग पूर्ण करेल का? याकडे सर्वांचं लक्ष लागलं आहे. 'रमा राघव' मालिकेचा विशेष भाग आज 19 नोव्हेंबरला संध्याकाळी सहा वाजता प्रेक्षकांना पाहायला मिळणार आहे.
'रमा राघव' मालिकेबद्दल जाणून घ्या... (Rama Raghav Serial Details)
'रमा राघव' या मालिकेतील खट्याळ रमा आणि प्रेमळ राघव प्रेक्षकांच्या पसंतीस उतरला आहे. दोन अतिशय विरुद्ध कौटुंबिक वातावरणातून आलेल्या रमा आणि राघव यांच्यातील संघर्षाची आणि त्यातून पुढे फुलणाऱ्या प्रेमाची तिखट गोड गोष्ट प्रेक्षकांना या मालिकेत पाहायला मिळत आहे. आयुष्यात आदर्श, तत्त्व, मूल्य यांचं महत्त्व नव्या पिढीला हलक्या फुलक्या रितीने पटवून देण्याचा प्रयत्न या मालिकेद्वारे केला जात आहे.
रमा राघव विशेष भाग
किती वाजता? आज (19 नोव्हेंबर) 6 वाजता
कुठे पाहता येईल? कलर्स मराठी
संबंधित बातम्या