Boss Mazi Ladachi : 'बॉस माझी लाडाची' (Boss Mazi Ladachi) ही मालिका गेल्या काही दिवसांपूर्वी प्रेक्षकांच्या भेटीला आली आहे. वेगळा विषय असल्याने ही मालिका प्रेक्षकांच्या पसंतीस उतरत आहे. आता ही मालिका प्रेक्षकांना नव्या वेळेत पाहायला मिळणार आहे. दुपारी साडेचार वाजता प्रेक्षकांना ही मालिका पाहता येणार आहे.
गेल्या काही दिवसांत अनेक मालिकांनी प्रेक्षकांचा निरोप घेतला आहे. तर काही मालिका लवकरच प्रेक्षकांचा निरोप घेणार आहेत. तर दुसरीकडे नव्या मालिकांच्या प्रोमोंनी प्रेक्षकांचं लक्ष वेधलं आहे. लवकरच नवीन मालिका प्रेक्षकांच्या भेटीला येणार आहेत. टीआरपीच्या शर्यतीत मागे असल्याने काही मालिका प्रेक्षकांचा निरोप घेणार असल्याचं म्हटलं जात आहे.
'बॉस माझी लाडाची' ही मालिकादेखील टीआरपीच्या शर्यतीत मागे पडली आहे. त्यामुळे ही मालिका प्रेक्षकांचा निरोप घेणार अशा चर्चा रंगल्या होत्या. पण आता या मालिकेची वेळ बदलण्यात आली आहे. ही मालिका सध्या साडेआठ वाजता प्रेक्षकांना पाहायला मिळत आहे. पण आता ही मालिका साडेआठ ऐवजी दुपारी साडेचार वाजता पाहायला मिळणार आहे. 12 सप्टेंबरपासून प्रेक्षक ही मालिका प्रेक्षक दुपारी साडेचार वाजता सोनी मराठीवर पाहू शकतात.
'बॉस माझी लाडाची' या मालिकेत अभिनेत्री भाग्यश्री लिमये (Bhagyashree Limaye) आणि अभिनेता आयुष संजीव ( Aayush Sanjeev) मुख्य भूमिकेत आहेत. या मालिकेच्या माध्यमातून भाग्यश्री आणि आयुषची जोडी प्रेक्षकांना पहिल्यांदाच पाहायला मिळत आहे. 'बॉस माझी लाडाची' या मालिकेत भाग्यश्री खडूस बॉसच्या भूमिकेत दिसत आहे.
संबंधित बातम्या