Nora Fatehi: डान्सनं आणि ग्लॅमरस अंदाजानं प्रेक्षकांची मनं जिंकणाऱ्या नोरा फतेहीचा (Nora Fatehi) चाहता वर्ग मोठा आहे. डान्सिंग क्वीन नोरानं नुकतीच डान्स रियालिटी शो 'डान्स प्लस प्रो'मध्ये हजेरी लावली. या शोमध्ये नोराने डान्स केला. पण तिचा हा डान्स पाहिल्यानंतर नेटकरी भडकले आहेत. नोराचा डान्स बघून शोमधील परीक्षक अवाक् झाले. नोरानं स्वतःवर पाणी ओतून डान्स केला. नोराच्या या डान्सचा व्हिडीओ व्हायरल झाल्यानंतर नेटकऱ्यांनी तिला ट्रोल केलं.
नोराच्या डान्सनं वेधलं लक्ष
नोरा ही सिल्व्हर कलरचा टाइट फिटिंग शॉर्ट ड्रेस परिधान करून रिॲलिटी शोमध्ये पोहोचली होती. यावेळी नोरानं 'नच मेरी रानी' या गाण्यावर डान्स केला. डान्स करताना नोरानं स्वत:वर बॉटलमधील पाणी ओतलं. नोराच्या या डान्सनं अनेकांचे लक्ष वेधलं आहे.
पाहा व्हिडीओ:
नेटकऱ्यांनी केलं ट्रोल
नोराच्या डान्सला नेटकऱ्यांनी ट्रोल केलं आहे. एका नेटकऱ्यानं ट्विटरवर नोराचा व्हिडीओ शेअर करुन लिहिलं, "मला वाटत नाही की आपण भारतीय अशा पाश्चिमात्य संस्कृतीसाठी तयार आहोत." तर दुसऱ्या युझरनं नोराच्या डान्सच्या व्हिडीओला कमेंट केली, "कुटुंबासह हे बघताही येत नाही"
नोराचा आगामी चित्रपट
क्रॅक या चित्रपटामध्ये नोरा फतेही ही विद्युत जामवालसोबत दिसणार आहे. तिच्या या आगामी चित्रपटाची प्रेक्षक उत्सुकतेने वाट बघत आहेत. हा चित्रपट 23 फेब्रुवारी 2024 रोजी थिएटरमध्ये प्रदर्शित होणार आहे. बिग बॉसमधून नोराला विशेष ओळख मिळाली. मात्र, या शोनंतर नोरा तिच्या डान्समुळे प्रसिद्ध झाली. आदित्य दत्त दिग्दर्शित 'क्रॅक' या चित्रपटाची निर्मिती विद्युत जामवाल, अब्बास सय्यद आणि प्रांजल खंडाडिया यांनी मिळून केली आहे.
वाचा इतर महत्वाच्या बातम्या:
Nora Fatehi Deepfake : डीपफेकचा प्रकार सुरुच; आता नोरा फतेही झाली शिकार