Naagin 6: 'नागिन 6' (Naagin 6) ही छोट्या पडद्यावरील लोकप्रिय मालिका आहे. या मालिकेमध्ये अभिनेत्री तेजस्वी प्रकाश (Tejasswi Prakash) ही प्रमुख भूमिका साकारते. 'नागिन 6' च्या सहाव्या सिझनचा प्रीमियर 12 फेब्रुवारी 2022 रोजी झाला. 'नागिन 6' मध्ये लवकरच एक ट्वीस्ट येणार आहे. या मालिकेमध्ये प्रसिद्ध अभिनेत्याची एन्ट्री होणार आहे.
एका रिपोर्टनुसार, 'नागिन 6' या मालिकेत अभिनेता वत्सल सेठची एन्ट्री होणार आहे. विशेष म्हणजे तेजस्वीसोबत वत्सल सेठ मुख्य भूमिकेत दिसणार आहे. वत्सलने तीन वर्षांसाठी मालिकांमधून ब्रेक घेतला होता. त्यानं ये रिश्ते हैं प्यार के या मालिकेमध्ये निशांत माहेश्वरी ही भूमिका साकारली होती. त्यानं 'एक हसीना थी', 'हासील' आणि 'रिश्तों का सौदागर-बाजीगर' यांसारख्या शोमध्ये प्रमुख भूमिका साकारली . 'नागिन 6' व्यतिरिक्त वत्सल सेठ आगामी शो 'तितली'मध्येही दिसणार आहे.
वत्सल सेठ हा गेल्या काही दिवसांपासून त्याच्या वैयक्तिक आयुष्यामुळे चर्चेत आहे. वत्सल आणि त्याची पत्नी इशिता यांच्या आयुष्यात लवकरच एका चिमुकल्या पाहुण्याची एन्ट्री होणार आहे. काही दिवसांपूर्वी वत्सलनं त्याच्या पत्नीसाठी ग्रँड बेबी शॉवरचे आयोजन केले होते. वत्सल आणि इशिताचे कुटुंबीय आणि जवळचे मित्र या कार्यक्रमात सहभागी झाले होते. इशिता दत्ता आणि वत्सल सेठ यांनी काही काळ डेट केल्यानंतर 2017 मध्ये लग्न केले होते. 'रिश्तों का सौदागर-बाजीगर' या टीव्ही शोमध्ये काम करताना इशिता आणि वत्सल यांची ओळख झाली होती.
नागिन या मालिकेच्या पाच सीझन्सला प्रेक्षकांची पसंती मिळाली. आता वत्सल सेठची या मालिकेत एन्ट्री होणार असल्यानं प्रेक्षक या मालिकेच्या आगामी एपिसोडची उत्सुकतेने वाट बघत आहेत. नागिन-6 या मालिकेतील तेजस्वी प्रकाशच्या अभिनयाला प्रेक्षकांची पसंती मिळत आहे. तेजस्वीला बिग बॉस-15 या शोमुळे विशेष लोकप्रियता मिळाली.
संबंधित बातम्या