ज्येष्ठ अभिनेते शिशिर शर्मा यांनी फेसबुकद्वारे रीता भादुरी यांच्या निधनाची माहिती दिली. "मला सांगताना अतिशय दु:ख होत आहे की, रीता भादुरी आपल्यात राहिल्या नाहीत. 17 जुलै रोजी दुपारी 12 वाजता मुंबईतील अंधेरी इथे त्यांच्यावर अंत्यसंस्कार होतील. त्या आमच्यासाठी आईप्रमाणे होत्या. तू कायमच आमच्या स्मरणात राहशील, मां," अशी त्यांची पोस्ट आहे.
साराभाई व्हर्सेस साराभाई, अमानत, एक नई पहचान आणि बायबल की कहानियां या मालिकांसह रीता भादुरी यांनी अनेक चित्रपटांमध्येही आपल्या अभिनयाची छाप पाडली होती. त्यांनी हिंदीसह गुजराती चित्रपटसृष्टीतही काम केलं होतं. त्यांच्या निधनामुळे कुटुंबासह, मित्रपरिवारात शोककळा पसरली आहे.