Mrunal Dusanis: मराठी मनोरंजनसृष्टीपासून गेली काही वर्ष लांब असलेली अभिनेत्री मृणाल दुसानिस आता जोमाने कामाला लागली आहे. छोटा पडदा गाजवणाऱ्या मृणालनं भारतात परतल्यावर चाहत्यांना मालिकेत पदार्पण करत सुखद धक्का दिल्यानंतर आता आणखी एक सरप्राईज देणार असल्याचं तिनं सांगितलंय. तिनं नुकताच तिच्या सोशल मीडिया अकाऊंटवरून एक सरप्राईज दिलं आहे. अभिनयासोबतच ती आता नवीन व्यवसायही करणार आहे.
काही दिवसांपूर्वी मृणालनं तिच्या नवऱ्यासोबत व्यवसाय करणार असल्याचं म्हणलं होतं. आता तिनं या व्यवसायाची प्रोसेस सुरु झाल्याचं एका व्हीडिओतून चाहत्यांना कळवलंय. ती हा व्यवसाय नक्की कधी सुरु करणार याविषयी ती लवकरच कळवणार आहे, असं तिनं या पोस्टमध्ये म्हटलंय.मृणाल आणि निरज यांनी हॉटेल व्यवसायात उडी घेतली आहे. हॉटेलच्या बांधकामापासून सुरु होणारी प्रोसेस तिनं या व्हिडीओत दाखवली आहे. हे रेस्टॉरंट हिरानंदानी इस्टेट परिसरातही असल्याचं तिनं सांगितलंय.
चार वर्षांनंतर मालिकेत पुनरागमन
‘लग्नानंतर होईलच प्रेम’ या मालिकेतून जवळपास ४ वर्षांनंतर मृणाल पुनरागमन करणार आहे. नंदिनी मोहिते पाटील असं तिच्या भूमिकेचं नाव आहेत. मालिकेचा नवा प्रोमो नुकताच प्रेक्षकांच्या समोर आलेला आहे. यामध्ये विवेक सांगळे आणि ज्ञानदा या दोघांचं एकमेकांवर प्रेम असल्याचं दिसतंय. त्याचप्रमाणे मृणाल ही ज्ञानदाच्या ताईच्या भूमिकेत आहे तर विजय आंदळकर हा विवेकच्या भावाच्या भूमिकेत आहे. मृणाल आणि विजयचं त्यांच्या कुटुंबियांनी लग्न ठरवलंय. पण या लग्नाचा योग नाही असं गुरुजी त्यांना सांगतात. आता त्यांचे योग नक्की कुणासोबत जुळले आहेत, हे मालिकेत समजेलच. मालिकेचा प्रोमो शेअर करत कॅप्शनमध्ये म्हटलं की, भाग्याच्या ह्या अवखळ रेषा,कश्या जोडल्या गेल्या सांग.... नवी मालिका ‘लग्नानंतर होईलच प्रेम’ १६ डिसेंबरपासून,सोम-शनि सायं. 7:00 वाजता.
अनेक दिवसांपासून मृणालच्या या नव्या मालिकेची चर्चा सुरु होती. पण आता मोठ्या ब्रेकनंतर मृणाल प्रेक्षकांच्या भेटीस येत आहेत. त्यामुळे महाराष्ट्राच्या सोज्वळ आणि लाडक्या सुनेला पुन्हा एकदा टिव्हीवर पाहण्यासाठी प्रेक्षकही उत्सुक आहेत.त्याचप्रमाणे मालिकेची गोष्ट नेमकी काय असणार याचीही उत्सुकता प्रेक्षकांना आहे. लग्नानंतरच्या प्रेमाची ही गोष्ट कशी असणार हे पाहणं आता रंजक ठरेल.
हेही वाचा: