Milind Gawali: अभिनेते मिलिंद गवळी (Milind Gawali) यांना आई कुठे काय करते (Aai Kuthe Kay Karte) या मालिकेमुळे विशेष लोकप्रियता मिळाली. आई कुठे काय करते या मालिकेत मिलिंद गवळी हे अनिरुद्ध ही भूमिका साकारतात. मिलिंद हे सोशल मीडियावर विविध विषयांवर आधारित असणाऱ्या पोस्ट शेअर करतात. त्यांच्या पोस्ट नेटकऱ्यांचे लक्ष वेधतात. मिलिंद यांनी नुकताच एक व्हिडीओ सोशल मीडियावर शेअर केला आहे. या व्हिडीओमध्ये ते डान्स करताना दिसत आहे. या व्हिडीओला मिलिंद यांनी दिलेल्या कॅप्शननं अनेकांचे लक्ष वेधलं.
मिलिंग गवळी यांनी त्यांचा डान्स करतानाचा व्हिडीओ शेअर करुन कॅप्शनमध्ये लिहिलं, “प्रयत्नांती / प्रयत्नार्थी परमेश्वर” आपल्या लहानपणापासून आपल्या काही धारणा बनत जातात, प्रत्येकाच्या वेगवेगळ्या धारणा मनामध्ये घट्टपणे बिंबवून ठेवल्या जातात, आणि मग आयुष्यभर ते प्रामाणिकपणे त्याचं पालन करत राहतात, माझ्या मनामध्ये लहानपणापासून वेगळीच धारणा किंवा भिती बसली होती की, "मला नाचता येत नाही", त्यामुळे लग्नामध्ये वरातीत आणि गणपतीत जसे बिनधास्त नाचतात कोणाचं कोणाला काही घेणं देणं नसतं, तसा नाच मला येतो पण सिनेमातला नाच हा मला काही जमणार नाही असं माझ्या मनाने ठरवूनच टाकलं होतं आणि त्या पद्धतीनेच मी इतकी वर्ष वावरत होतो. अचानक स्टार प्रवाहने मला perform करायला सांगितलं, दिग्दर्शक वैभव घुगे यांना मी म्हटलं की माझ्या ऐवजी दुसरा कोणीतरी नाचणारा कलाकार घ्या म्हणजे तुमचं काम सोपं होईल, वैभव घुगे म्हणाले की आम्हाला तुम्हीच हवे आहात, मी म्हणालो पण मला नाचता येत नाही, ते म्हणाले ते आम्ही बघून घेऊ, तुम्ही फक्त हो म्हणा.
पुढे पोस्टमध्ये मिलिंद यांनी लिहिलं, 'जीव मुठीत धरून मी हो म्हटलं, complete घाबरलोच होतो, कारण त्याआधी एका कोरिओग्राफरने मला humiliate केलं होतं. आता तो अनुभव परत नको वाटत. वैभव घुगे स्वतः एवढा विश्वास दाखवतोय म्हटल्यावर , आपण पण प्रयत्न करायला काय हरकत आहे असा विचार करून उतरलो मैदाना. बघा त्यानंतर तीन वेळा स्टार प्रवाह साठी मी perform केलं आहे. तर माझ्या सांगायचं उद्देश असा हा की ... प्रयत्न केले, आणि correct guide करणारा वैभव घुगे सारखा किंवा अनिल शिंदे सारखा तुम्हाला मिळाला सोहम सारखा तुम्हाला मिळाला तर काहीही अशक्य नाही आहे.' या पोस्टमध्ये मिलिंद यांनी काही कोरिओग्राफर्सचे आभार देकील मानले आहेत.
मिलिंद गवळी यांनी पालखी, आधार आणि वैभव लक्ष्मी या चित्रपटांमध्ये काम केले आहे. त्यांच्या सोशल मीडियावरील पोस्ट चर्चेत असतात. आई कुठे काय करते मालिकेमधील त्यांच्या अनिरुद्ध या भूमिकेला प्रेक्षकांची पसंती मिळत आहे.
इतर महत्वाच्या बातम्या: