Marathi Serial Updates Colors Marathi New Serial : टीआरपीच्या शर्यतीत मागे राहिलेल्या 'कलर्स मराठी'ने (Colors Marathi) शर्यतीत पुन्हा येण्यासाठी नव्या मालिकांचा धडाका सुरू केला आहे. मागील काही दिवसांमध्ये 'कलर्स मराठी'वर नव्या मालिका सुरू झाल्या आहेत. तर, आता नव्या मालिका येणार आहेत. 'अबीर गुलाल' या मालिकेची घोषणा केल्यानंतर आता आणखी एका मालिकेची घोषणा कलर्स मराठीने केली आहे.
मागील आठवड्यात कलर्स मराठी वाहिनीवर 'सुख कळले' ही मालिका सुरू झाली. सागर देशमुख आणि स्पृहा जोशीची यात प्रमुख भूमिका आहे. तर, काही दिवसांपूर्वी अबीर गुलाल या मालिकेची घोषणा झाली होती. आता कलर्स मराठीने आपल्या सोशल मीडिया अकाउंटवर नव्या मालिकेचा प्रोमो शेअर केला आहे. रशमी अनपट या मालिकेत प्रमुख भूमिकेत दिसणार आहे. “नशिबाने मांडला लग्नाचा घाट, पण नियतीने धरला दुराव्याचा अंतरपाट,” अशा कॅप्शनसह 'अंतरपाट' या नव्या मालिकेची घोषणा प्रोमोसह घोषणा करण्यात आली.
प्रोमोमध्ये काय ?
प्रोमो मध्ये हळदीचा कार्यक्रम सुरू असल्याचे दाखवले आहे. घरात लग्नकार्य असल्याने आनंदाचे वातावरण आहे. वधू देखील आनंदी असून लव्ह मॅरेजच्या काळात अ‍ॅरेंज मॅरेज करतेय, मला जोडीदार परफेक्ट मिळाला आहे. किती वर्ष लग्नाची स्वप्ने पाहिले असल्याचे नायिका सांगते. तर, दुसरीकडे मालिकेचा नायक हा उदास चेहऱ्याने आपल्या बेडवर पडलेला असतो.
मालिकेत कोणते कलाकार?
‘अंतरपाट’ या नव्या मालिकेत प्रमुख भूमिकेत अभिनेत्री रश्मी अनपट आणि अभिनेता अशोक ढगे असणार आहेत. अभिनेत्री रेशम टिपणीस, तृष्णा चंद्रत्रे आदी कलाकारांच्याही भूमिका आहेत.
कन्नड मालिकेचा रिमेक
कलर्स मराठीवरील 'अंतरपाट' ही मालिका कन्नड मालिका 'अंतरपाटा' याचा रिमेक आहे.
अबीर गुलाल मालिकेची घोषणा
अबीर गुलाल या मालिकेच्या प्रोमोमध्ये पाळण्यात दोन लहान बाळं दिसत आहे. त्यामधील एक शांत झोपलंय, तर दुसरं हे रडत आहे. पण दोन स्त्रिया येऊन त्या बाळांची आदलाबदली करतात. दोन मुलींची नशीबं एका रात्रीत बदलली होती कोणी आणि का? असा सवाल शेवटी या प्रोमोमध्ये करण्यात आलाय. त्याचप्रमाणे या प्रोमोला, 'दोन अनोळखी मुलींचं नशीब बदलणारी ती रात्र' असं कॅप्शन देण्यात आलं आहे.