Majhi Tujhi Reshimgath : 'माझी तुझी रेशीमगाठ' मालिकेत नवा ट्विस्ट, परीने यशला बाबा म्हणून स्वीकारण्यास दिला नकार

Majhi Tujhi Reshimgath : 'माझी तुझी रेशीमगाठ' ही मालिका सध्या रंजक वळणावर पोहोचली आहे.

Majhi Tujhi Reshimgath : छोट्या पडद्यावरील 'माझी तुझी रेशीमगाठ' (Majhi Tujhi Reshimgath) ही मालिका सध्या चर्चेत आहे. श्रेयस तळपदे (Shreyas Talpade) आणि  प्रार्थना बेहरे (Prarthana Behere) या मालिकेत मुख्य भूमिकेत आहेत. ही मालिका सध्या रंजक वळणावर पोहोचली आहे. परीने यशला बाबा म्हणून स्वीकारण्यास नकार दिला आहे. 

मालिकेचा प्रोमो आऊट झाला आहे. प्रोमोमध्ये परीला सांभाळणारे शेजारचे बंडू काका-काकू यश-नेहासोबत गप्पा मारताना दिसत आहेत. दरम्यान बंडू काका परीला यश तिचा बाबा होणार असल्याचे सांगतात. त्यावेळी परी म्हणते,कोण माझे बाबा? त्यावर बंडूकाका यशच्या दिशेने हात करतात आणि म्हणतात, आता परीने मस्ती केली की मी परीच्या बाबांना येऊन सांगणार. यावर परी म्हणते, हे माझे बाबा नाहीत. हा माझा फ्रेंड आहे. बाबा सोडून निघून जातात. त्यामुळे मला बाबा नकोय म्हणजे नकोय".

परीच्या या उत्तराने नेहा, यश आणि काका-काकू चिंताग्रस्त होतात. नेहा आणि यशच्या या प्रेमकहाणीत परी नवा अडथळा निर्माण करणार की काय असा प्रश्न आता प्रेक्षकांना पडला आहे. त्यामुळे मालिकेत आता नवा ट्विस्ट येणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha