The Kashmir Files :  चित्रपट दिग्दर्शक विवेक अग्निहोत्री (Vivek Agnihotri) यांचा चित्रपट 'द कश्मीर फाइल्स' (The Kashmir Files) हा चित्रपट सध्या चर्चेत आहे.हा चित्रपट आज (11 मार्च)रोजी प्रदर्शित झाला आहे. या चित्रपटाच्या टीमनं वेगवेगळ्या कार्यक्रमांमध्ये जाऊन या चित्रपटाचं प्रमोशन केलं. पण 'द कपिल शर्मा शो' (The Kapil Sharma Show) मध्ये ही टीम प्रमोशनला जाऊ शकली नाही. याबाबत काही दिवसांपूर्वी  विवेक अग्निहोत्री यांनी ट्वीट शेअर केलं होतं. या ट्वीटमधून त्यांनी कपिलवर काही आरोप केले होते. या सर्व वादावर आता कपिलनं रिअॅक्शन दिली आहे. 


कपिलची रिअॅक्शन 
एका युजरनं कपिलला टॅग करून एक ट्वीट शेअर केलं. या ट्वीटमध्ये त्या युजरनं लिहिलं, 'द कश्मीर फाइल्स या चित्रपटाचं प्रमोशन का नाही केलं? तु या चित्रपटाचं प्रमोश करायला घाबराल का? मी तुझा फॅन होतो पण मी आता तुला बायकॉट करत आहे.' रिअॅक्शन देत कपिलनं सांगितलं, 'हे खरं नाहिये राठोड साहेब.ज्यांना ही गोष्ट खरी वाटली त्यांना मी काही सांगु शकत नाही. कारण स्पष्टीकरण देऊन काही फायदा होणार नाही.  तुम्ही मला हा प्रश्न विचारला म्हणून मी तुम्हीला सांगतो.मी अनुभवी सोशल मीडिया युजर आहे.अशा सोशल मीडियावरील स्टोरीवर कधीही विश्वास ठेवू नका.  '






विवेक अग्निहोत्री यांनी केला होता आरोप 


विवेक अग्निहोत्री यांनी सोशल मीडियावरील पोस्टमध्ये सांगितलं होतं की, 'द कपिल शर्मा शो' च्या टीमकडे आम्ही प्रमोशनसाठी विचारले.पण त्यांनी नकार दिला. ' चंदन राजपूत नावाच्या यूझरनं पोस्टमध्ये लिहिले, 'द कपिल शर्मा शोमध्ये आम्हाला या चित्रपटाचा प्रोमो बघायचा आहे.'या कमेंटवर विवेक यांनी रिप्लाय दिला होता,'त्यांनी आम्हाला या शोमध्ये बोलवलं नाही. कारण आमच्या चित्रपटामध्ये कोणताही मोठा स्टार नाही. 'पुढे पोस्टमध्ये विवेकनं लिहिले होते, 'मी ठरवू शकत नाही की कपिलनं त्याच्या शोमध्ये कोणाला आमंत्रण दिलं पाहिजे. तो त्याचा आणि कार्यक्रमाच्या निर्मात्यांचा निर्णय आहे. '


संबंधित बातम्या 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha