Taarak Mehta Ka Ooltah Chashmah: ‘तारक मेहता का उल्टा चष्मा’ (Taarak Mehta Ka Ooltah Chashmah) या छोट्या पडद्यावर प्रसिद्ध मालिकेला प्रेक्षकांची विशेष पसंती मिळाली. या मालिकेमध्ये दया ही भूमिका साकारणाऱ्या अभिनेत्री दिशा वकानीच्या (Disha Vakani) अभिनयाला प्रेक्षकांची पसंती मिळाली. पण गेल्या पाच वर्षांपासून दिशा ही या मालिकेमध्ये काम करत नाहीये. अभिनेत्री काजल पिसाळ (Kajal Pisal) ही दयाबेन ही भूमिका साकारणार आहे, अशी चर्चा गेल्या काही दिवासांपासून सोशल मीडियावर होत आहे. नुकत्याच एका मुलाखतीमध्ये काजलनं दयाबेन या भूमिकेबाबत सांगितलं.
काय म्हणाली काजल?
काजलनं एका मुलाखतीमध्ये सांगितलं की, 'मी ऑगस्ट महिन्यामध्ये दयाबेनच्या भूमिकेसाठी ऑडिशन दिलं. मी त्यावेळी याबाबत कुठेही सांगितलं नाही, कारण मला फक्त ऑडिशनच दिलं होतं मला ती भूमिका मिळाली नव्हती. मी ऑडिशन दिल्यानंतर निर्मात्यांचा फोन येण्याची वाट पाहिली पण त्यांनी मला फोन केला नाही. मला कळालं की माझं सिलेक्शन झालेलं नाही. काही प्रोडक्शन हाऊस आणि निर्मात्यांना वाटलं की मला दयाबेन ही भूमिका मिळणार आहे, त्यामुळे त्यांनी मला कामाच्या ऑफर्स देखील दिल्या नाहीत.'
पुढे काजलनं सांगितलं,'तू दयाबेनची भूमिका साकारत आहेस का? असं लोक मला फोन करुन विचारत होते. पण मी या मुलाखतीच्या माध्यमातून सांगू इच्छिते की, मी हा शो साइन केलेला नाही. जर काही काम असेल नाही तर प्लिज मला फोन करा.'
अभिनेत्री काजल पिसाळनं 'कुछ ऐसा', 'एक हजारों में मेरी बहना है', 'उडान' आणि 'नागिन 5' या मालिकांमध्ये काम केलं आहे. आजच्या काळात काजल पिसाळ काही सशक्त आणि चांगल्या भूमिकांच्या शोधात आहे, जेणेकरून तिला अधिक ओळख मिळू शकेल. काजल पिसालला टीव्हीशिवाय ओटीटी प्लॅटफॉर्मच्या जगातही हात आजमावायचा आहे.
वाचा इतर महत्त्वाच्या बातम्या: