Jayant Sawarkar: ज्येष्ठ अभिनेते जयंत सावरकर (Jayant Sawarkar) यांचे निधन झाले आहे. वयाच्या 88 व्या वर्षी त्यांनी अखेरचा श्वास घेतला आहे. जयंत सावरकर यांच्या निधनानंतर मराठी सिनेसृष्टीवर शोककळा पसरली आहे. अनेक सेलिब्रिटींनी सोशल मीडियावर पोस्ट शेअर करुन जयंत सावरकर यांना श्रद्धांजली वाहिली आहे.
सुकन्या कुलकर्णी यांची पोस्ट
सुकन्या कुलकर्णी यांनी जयंत सावरकर यांच्यासोबतचा एक फोटो सोशल मीडियावर शेअर करुन कॅप्शनमध्ये लिहिलं, माझा एव्हरग्रीन हिरो. तिथेही मस्त फिट राहाल ह्याची खात्री आहे. सगळ्यांना आपलंसं कराल.. पण मी मात्र इथे खूप खूप मिस करेन तुम्हाला..अण्णा'
रुपाली भोसलेची पोस्ट
रुपाली भोसलेनं आई कुठे काय करते या मालिकेच्या एका सीनचा व्हिडीओ शेअर केला. हा व्हिडीओ शेअर करुन रुपालीनं कॅप्शनमध्ये लिहिलं, 'जेव्हा ते आई कुठे काय करते मालिकेच्या शूटला यायाचे, तेव्हा ते आम्हा सगळ्यांना खूप आशीर्वाज आणि खूप पॉझिटिव्हिटी द्यायचे. मी जेव्हा त्यांना भेटले तेव्हा मी त्यांना नमस्कार केला. त्यांनी तेव्हा भरपूर आशीर्वाद तर दिलेच पण त्यच बरोबर माझ्या कामाचं खूप कौतुक देखील केल. आपली मालिका आणि आपला काम ते बघतात हे एकुन खरेच खूप खूप छान वाटलं आणि जबबदारी अजुन वाढली याची जाणीव झाली. आण्णा तुमही खूप कही दिलं आम्हा सगळ्या कलाकारांना आणि खूप काही शिकवलत. तुम्ही शेवटपर्यंत काम करत होता.'
अभिनेता निखिल राऊतनं देखील जयंत सावरकर यांचा फोटो सोशल मीडियावर शेअर करुन कॅप्शनमध्ये लिहिलं, 'ज्येष्ठ आणि चतुरस्त्र अभिनेते जयंत सावरकर (अण्णा) ह्यांचे दुःखद निधन.अण्णांना भावपुर्ण श्रद्धांजली'
इतर महत्वाच्या बातम्या:
Jayant Sawarkar: ज्येष्ठ अभिनेते जयंत सावरकर यांचे निधन; मराठी कलाकारांकडून शोक व्यक्त