Gautami Deshpande : मराठी चित्रपसृष्टीतील प्रसिद्ध अभिनेत्री मृण्मयी देशपांडे (Mrunmayee Deshpande ) आणि तिची बहीण अभिनेत्री गौतमी देशपांडे (Gautami Deshpande) या दोघीही सोशल मीडियावर त्यांचे फोटो आणि व्हिडीओ शेअर करतात. गौतमी आणि मृण्मयी या बहिणींच्या जोडीचा चाहता वर्ग मोठा आहे. नुकतेच गौतमीनं इन्स्टाग्रामवर "कॅन यू गेस" हे सेशन केले. या सेशनमध्ये एका नेटकऱ्यानं गौतमीला एक प्रश्न विचारला. या प्रश्नाला गौतमीनं दिलेल्या उत्तरानं अनेकांचे लक्ष वेधले.
गौतमीला "कॅन यू गेस" या सेशनमध्ये एका नेटकऱ्यानं प्रश्न विचारला, “तुझ्याकडे गाडी नाहीये का? सारखं रिक्षातून फिरत असतेस. तुझी बहीण बघ किती सुंदर आणि कर्तुत्ववान आहे.” नेटकऱ्याच्या या प्रश्नाला गौतमीनं उत्तर दिलं, “मला अशा प्रकारची लोकं आवडतात. तुमच्या प्रश्नाचं उत्तर असं आहे की, माझ्याकडे चांगली कार आहे पण मुंबईत असल्यावर बऱ्याचदा मेट्रोतून प्रवास करणं सोयीस्कर असतं. माझ्या गाडीपेक्षा मला माझा वेळ जास्त मौल्यवान आहे. मला आशा आहे की, तुम्ही मोठे व्हाल आणि कर्तुत्ववान व्हाल.” गौतमीनं दिलेल्या भन्नाट उत्तरानं अनेकांचे लक्ष वेधले.
गौतमीची बहीण मृण्मयी ही सध्या 'सारेगमप लिटिल चॅम्प्स' या कार्यक्रमामधून प्रेक्षकांच्या भेटीस येत आहे. या कार्यक्रमाचं ती सूत्रसंचालन करते. मृण्मयीचा चंद्रमुखी हा चित्रपट प्रेक्षकांच्या भेटीस आला. मृण्मयीनं मोकळा श्वास,नटसम्राट,आंधळी कोशिंबीर,कट्यार काळजात घुसली या चित्रपटांंमध्ये काम केलं आहे. तिनं कुंकू, अग्निहोत्र या मालिकांमध्ये प्रमुख भूमिका साकारली.
माझा होशील ना (Majha Hoshil Na) या मालिकेमुळे गौतमी देशपांडेला (Gautami Deshpande) विशेष लोकप्रियता मिळाली. या मालिकेत गौतमीनं सई ही भूमिका साकारली. सारे तुझ्याचसाठी, माझा होशील ना या मालिकांमध्ये देखील गौतमीनं काम केलं. गौतमी ही सोशल मीडियावर देखील अॅक्टिव असते. तिला इन्स्टाग्रामवर 438K फॉलोवर्स आहेत.
इतर महत्त्वाच्या बातम्या:
Mrunmayee Deshpande : 'ढाप अजून...'; मृण्मयी देशपांडेच्या फोटोला गौतमीनं केलेल्या कमेंटनं वेधलं लक्ष